ભુજ ખાતે સમાજ નવ નિર્માણ ટ્રસ્ટના માધ્યમથી સાંસદ પતંગ મહોત્સવ યોજાયો

ઉત્તરાયણ પર્વ સમગ્ર દેશમાં ઉજવવામાં આવે છે. ઉતરાયણના દિવસે સ્નાન, દાન અને સૂર્ય ભગવાનની ઉપાસનાનું વિશેષ મહત્વ છે. જ્યારે આકાશ પતંગોથી ભરાઈ જાય છે. આ પર્વની સેવા વસ્તીના બાળકો આનંદ સાથે ઉજવણી કરી શકે તે હેતુથી કચ્છ લોકસભાના સાંસદ વિનોદભાઈ ચાવડા દ્વારા સમાજ નવ નિર્માણ ટ્રસ્ટના માધ્યમથી ભુજ ખાતે ‘સાંસદ પતંગ મહોત્સવ’ નું સુંદર આયોજન કરવામાં આવ્યું હતું.

આ પ્રસંગે સેવા વસ્તીના બાળકોને પતંગ દોરાનું વિતરણ કરાયું અને તેમની સાથે ઉમંગથી આ પર્વની ઉજવણી કરવામાં આવી. પ્રકૃતિ પૂજા અને પ્રકૃતિ પ્રત્યે કૃતજ્ઞતાની અભિવ્યક્તિનો આ તહેવાર સૌના જીવનમાં નવી ઉર્જા અને ખુશીઓ લાવે એવી આશા સાથે સાંસદ વિનોદભાઈએ સૌને ઉત્તરાયણ પર્વની શુભેચ્છાઓ પાઠવી હતી.. આ પ્રસંગે દિલીપભાઇ દેશમુખ, રશ્મિબેન સોલંકી, દેવરાજભાઈ ગઢવી, મનીશભાઈ બારોટ, કમલભાઈ ગઢવી, અશોકભાઇ હાથી, વિરમભાઇ આહીર વિગેરે ઉપસ્થિત રહ્યા હતા.