હળવદમાં નજીવી વાતે મહિલાને ગાળો આપીને માર માર્યો: મહિલા સહિત ત્રણ સામે ફરિયાદ
SHARE
JOIN OUR GROUP
હળવદમાં નજીવી વાતે મહિલાને ગાળો આપીને માર માર્યો: મહિલા સહિત ત્રણ સામે ફરિયાદ
વહળવદના ભવાનીનગર ઢોરો વિસ્તારમાં રહેતી મહિલાના ઘર પાસે આવેલ મહિલા સહિતના કુલ ત્રણ વ્યક્તિઓએ સાહેદ ક્યાં છે તેવું પૂછ્યું હતું અને ત્યારબાદ તેની સાથે બોલાચાલી કરીને મહિલાને ગાળો આપી હતી અને માર મારવામાં આવ્યો હતો તેમજ છરી બતાવીને ડરાવવામાં આવી હતી જેથી ભોગ બનેલ મહિલાએ હળવદ તાલુકા પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધીને આરોપીઓને પકડવા માટે તજવીજ શરૂ કરેલ છે.
હળવદના ભવાનીનગર ઢોરો વિસ્તારમાં રહેતા ભારતીબેન ભરતભાઈ ખાવડીયા (30)એ હળવદ તાલુકા પોલીસ સ્ટેશન ખાતે તેજલબેન મહેશભાઈ જાંબુકિયા, મહેશભાઈ થોભણભાઈ અને મેરાભાઈ દલવાડી રહે. બધા હળવદ વાળાની સામે ફરિયાદ નોંધાવેલ છે જેમાં તેને જણાવ્યું છે કે આરોપીઓએ ફરિયાદીના ઘર પાસે આવીને સાહેદ ક્યાં છે તેવું પૂછ્યું હતું અને ત્યારબાદ તેજલબેન અને મહેશભાઈ દ્વારા ફરિયાદીને ગાળો આપવામાં આવી હતી ત્યારે ફરિયાદી એ ગાળો આપવાની ના પાડતા તેજલબેને તેઓને ઢીકાપાટુનો માર માર્યો હતો ત્યારે મેરાભાઈ દલવાડીએ હાથમાં છરી રાખીને ફરિયાદીને ડરાવવાનો પ્રયાસ કર્યો હતો આ બનાવ સંદર્ભે મહિલાએ નોંધાવેલ ફરિયાદ આધારે પોલીસે હાલમાં ગુનો નોંધીને આરોપીને પકડવા માટે તજવીજ હાથ ધરી છે. #morbi #મોરબી
