હળવદના નવા દેવળીયા ગામે રહેતા ખેડૂતના શ્રમિકો 49 મણ અને બીટી કપાસના વાવેતરની 13 થેલીઓ મળીને 1.83 લાખનો માલ ચોરી ગયા
SHARE
JOIN OUR GROUP
હળવદના નવા દેવળીયા ગામે રહેતા ખેડૂતના શ્રમિકો 49 મણ અને બીટી કપાસના વાવેતરની 13 થેલીઓ મળીને 1.83 લાખનો માલ ચોરી ગયા
હળવદ તાલુકાના નવા દેવળીયા ગામ પાસે આવેલ વાડીને ભાગવા વાવવા માટે થઈને રાખનારા બે શ્રમિકો દ્વારા 49 મણ જીરું તથા બીટી કપાસના વાવેતર માટે લાવેલ બોલગાર્ડ બીટી કપાસની 13 થેલીઓની ચોરી કરવામાં આવેલ છે જેથી કરીને કુલ મળીને 1,83,200 રૂપિયાની કિંમતના મુદ્દામાલની ચોરી થઈ હોવાની ખેડૂતો દ્વારા હળવદ તાલુકા પોલીસ સ્ટેશન ખાતે ફરિયાદ નોંધાવવામાં આવેલ છે.
હળવદ તાલુકાના નવા દેવળીયા ગામે રહેતા દિનેશભાઈ બચુભાઈ પટેલ (52) એ હાલમાં તેઓની વાડીને ભાગવા વાવવા માટે રાખનારા નિલેશભાઈ ઉર્ફે મૂકો ઉકારભાઈ બારીયા અને હસમુખભાઈ અભેસંગભાઈ બારીયા રહે. બંને મૂળ ટોકરવા નીચવાસ ફળિયુ તાલુકો ધાનપુર જિલ્લો દાહોદ વાળા સામે ફરિયાદ નોંધાવેલ છે જેમાં તેને જણાવ્યું છે કે, નવા દેવળીયા ગામની સીમમાં જેતપર રોડ ઉપર આવેલ વાડીએ ગોડાઉનમાંથી તેમની વાડી ભાગવી રાખનાર મજુર ગત તારીખ 4/6 ના રાત્રીના 12:00 વાગ્યાથી લઈને બીજા દિવસે સવારે 7:00 સાત વાગ્યા સુધીના સમયગાળામાં કોઈપણ સમયે જીરાની 17 બોરીઓ જેમાં કુલ 49 મણ જીરું તથા બોલગાર્ડ બીટી કપાસ 450 ગ્રામની થેલી એવી 13 થેલીની ચોરી કરી ગયેલ છે આમ કુલ મળીને 1,83,200 ના કિંમતનો મુદ્દામાલ કોઈ વાહનમાં ભરી જઈને ચોરી કરવામાં આવેલ છે જેથી ભોગ બનેલા આધેડ દ્વારા નોંધવામાં આવેલ ફરિયાદ આધારે પોલીસે બે શખ્સોની સામે ગુનો નોંધી આરોપીઓને પકડવા માટે તજવીજ શરૂ કરેલ છે. #morbi #મોરબી
