અમદાવાદના ઘોડાસર વિસ્તારમાં રહેતો અને એલ્યુમિનિયમનો ધંધો કરતો યુવાનને ધંધામાં આર્થિક સંકળામણ આવતા ઘરેથી નીકળી ગયો હતો અને ત્યારબાદ તેને હળવદ માળિયા હાઇવે રોડ ઉપર આવેલ સુખપર ગામના પાટીયા પાસે નર્મદાની કેનાલમાં પોતાની જાતે પડીને આપઘાત કરી લીધો હતો જે બનાવ અંગેની હળવદ તાલુકા પોલીસે નોંધ કરી રાબેતા મુજબની કાર્યવાહી હાથ ધરી છે

અમદાવાદના ઘોડાસર વિસ્તારમાં પી.ડી.પંડ્યા કોલેજ રોડ ઉપર બહુરાણી સોસાયટી ખાતે રહેતા મહમદભાઈ મુફતદલભાઈ રાજકોટવાળા (24) નામના યુવાને હળવદ માળિયા હાઇવે રોડ ઉપર આવેલ સુખપર ગામના પાટીયા પાસેથી પસાર થતી નર્મદાની કેનાલમાં પોતાની જાતે પડીને આપઘાત કર્યો હતો જેથી તેના મૃતદેહને પીએમ માટે હોસ્પિટલે લઈને આવ્યા હતા અને આ બનાવની મૃતક યુવાનના પિતા મુફતદલભાઈ તાહેરઅલી રાજકોટવાળા (57) રહે. અમદાવાદ વાળાએ હળવદ તાલુકા પોલીસ સ્ટેશન ખાતે જાણ કરતા પોલીસે આપઘાતના બનાવની નોંધ કરી આગળની કાર્યવાહી હાથ ધરી છે અને વધુમાં પોલીસ પાસેથી મળતી વિગત પ્રમાણે મૃતક યુવાન એલ્યુમિનિયમ સેક્શનનો ધંધો કરતો હતો અને ધંધામાં આર્થિક સંકળામણ આવતા તે ઘરેથી નીકળી ગયો હતો અને હળવદના સુખપર ગામ પાસેથી પસાર થતી નર્મદાની કેનાલમાં પોતાની જાતે પડીને તેને આપઘાત કર્યો છે તેવી માહિતી પ્રાથમિક તપાસમાં સામે આવી હતી જેની પોલીસે નોંધ કરી આગળની કાર્યવાહી હાથ ધરી છે