ટંકારાના હરબટીયાળી ગામ નજીક કારખાનાના શેડ ઉપરથી નીચે પટકાતાં માથામાં હેમરેજ થવાથી યુવાનનું મોત

ટંકારાના હરબટીયાળી ગામ નજીક આવેલ કારખાનામાં શેડ ઉપર તૂટી ગયેલ અંજવાસીયાને બદલવા માટેની કામગીરી ચાલુ હતી ત્યારે યુવાનનો પગ લપસી જતા તે ઉપરથી નીચે પટકાયો હતો જેથી તેને માથામાં હેમરેજ થવાના કારણે યુવાનનું મોત નીપજયું હતું ત્યારબાદ તેના મૃતદેહને ટંકારાની સરકારી હોસ્પિટલે લઈને આવ્યા હતા અને આ બનાવની ટંકારા તાલુકા પોલીસ સ્ટેશન ખાતે જાણ કરવામાં આવતા પોલીસે આગળની કાર્યવાહી હાથ ધરી હતી.

મૂળ ઉત્તરપ્રદેશના રહેવાસી અને હાલમાં ટંકારા તાલુકાના હરબટીયાળી ગામ પાસે આવેલ સેયજોન એફઆઈબીસી એલએલપી કારખાના લેબર કવાર્ટરમાં રહેતા અને મજૂરી કામ કરતા આનંદભાઈ દયાશંકર બર્મા (25) નામનો યુવાન ગઈકાલે બપોરના સમયે કારખાનાના સેડ ઉપર તૂટી ગયેલ અંજવાસીયાને બદલવા માટે ગયો હતો અને ત્યારે ત્યાં કામગીરી કરતા સમયે પગ લપસી જવાના કારણે અકસ્માતે તે યુવાન શેડ ઉપરથી નીચે પ્લાન્ટમાં પડ્યો હતો અને ત્યારે યુવાનને માથાના ભાગે ગંભીર ઇજા થવાથી તેને હેમરેજ થયું હતું અને તે યુવાનનું મોત નીપજયું હતું જેથી કરીને તેના મૃતદેહને ટંકારાની સરકારી હોસ્પિટલે લઈને આવ્યા હતા અને આ બનાવની ટંકારા તાલુકા પોલીસને જાણ કરતા પોલીસે અકસ્માત મૃત્યુના બનાવની નોંધ કરી આગળની કાર્યવાહી હાથ ધરી છે

બીમારી સબબ મોત

વાંકાનેરના દિગ્વિજય નગરમાં રહેતા બહાદુરખાન બુરાનખાન પઠાણ (79) નામના વૃદ્ધ પેડક સોસાયટીમાં દુકાને બેઠા હતા ત્યારે અચાનક તેને શ્વાસ ચડતા તેઓ બેભાન થઈ ગયા હતા જેથી કરીને તેને તાત્કાલિક સારવાર માટે વાંકાનેરની સરકારી હોસ્પિટલ ખાતે લાવ્યા હતા અને ત્યાં ચાલુ સારવાર દરમિયાન તેનું મોત નિપજ્યું હતું અને બીમારી સબબ વૃદ્ધનું મોત થયું હોય આ અંગેની વાંકાનેર સિટી પોલીસ સ્ટેશન ખાતે હોસ્પિટલ મારફતે જાણ કરવામાં આવતા પોલીસે બનાવની નોંધ કરીને રાબેતા મુજબની કાર્યવાહી કરેલ છે.