મોરબીમાં પરિણીતાના આપઘાત કેસમાં પોલીસકર્મી અને તેની માતા સામે ફરિયાદ નોંધાઈ
Morbi Today
મોરબીમાં કોલેજીયન યુવતીને માતાએ ભણવામાં ધ્યાન આપવાનું કહેતા યુવતીએ ફિનાઈલ પીને હાથે બ્લેડ વડે ચેકા માર્યા
SHARE
JOIN OUR GROUP
મોરબીમાં કોલેજીયન યુવતીને માતાએ ભણવામાં ધ્યાન આપવાનું કહેતા યુવતીએ ફિનાઈલ પીને હાથે બ્લેડ વડે ચેકા માર્યા
મોરબીના સામાકાંઠે ઘુંટુ રોડ ઉપર આવેલ રામકો સોસાયટીમાં રહેતી સથવારા કોલેજીયન યુવતીએ ફીનાઇલ પી લઈને બ્લેડ વડે હાથના ભાગે ચેકા માર્યા હતા જેથી કરીને તેણીને સારવારમાં ખસેડવામાં આવી હતી અને પોલીસમાં જાણ થતા ખુલ્યુ હતું કે માતાએ ભણવામાં ધ્યાન દેવા માટે કહ્યુ હતું જેથી કરીને તેણીએ ઉપરોકત પગલું ભરી લીધુ હતું..!
મોરબીના સામાકાંઠે હળવદ-ઘુંટુ રોડ ઉપર આવેલ રામકો સોસાયટી ખાતે રહેતા પાયલબેન ઘનશ્યામભાઈ સોનગ્રા જાતે સતવારા (ઉમર ૧૯) નામની કોલેજીયન યુવતીએ ફિનાઈલ પી લીધું હતું તેમજ બ્લેડ વડે હાથના ભાગે છેકા મારી લીધા હતા જેથી કરીને તેને શહેરના સામાકાંઠે આવેલ શિવમ હોસ્પિટલે સારવાર માટે ખસેડવામાં આવી હતી.બનાવ સંદર્ભે તાલુકા પોલીસમાં જાણ થતા તાલુકા પોલીસ મથકના જે.પી.વસીયાણી દ્વારા તપાસ કરવામાં આવી હતી અને તેમાં ખુલ્યું હતું કે ભોગ બનેલ પાયલબેન કોલેજમાં બીએસસીમાં અભ્યાસ કરે છે અને તેણીને તાજેતરમાં લેપટોપ લઈ દેવામાં આવ્યું હતું પરંતુ તે ભણવામાં ધ્યાન દેવાના બદલે ઈતર પ્રવૃત્તિઓમાં ધ્યાન દેતી હોય તેણીની માતાએ ભણવામાં ધ્યાન દેવા માટે કહ્યું હતું તે બાબતનું મનમાં લાગી આવતા તેણીએ ઉપરોકત પગલું ભરી લીધું હતુ.
દારૂની બોટલ સાથે બે પકડાયા
મોરબી સીટી એ ડિવિઝન પોલીસ સ્ટાફે શહેરના એસપી રોડ ઉપરથી નીકળેલ ક્રેટા કાર નંબર જીજે ૩૬ એએફ ૫૮૧૮ ની તલાસી લેતા કારમાંથી દારૂની એક બોટલ મળી આવી હતી જેથી રૂા.૩૦૦ ની કિંમતનો દારૂ અને પાંચ લાખની ક્રેટા કાર એમ કુલ રૂા.૫,૦૦,૩૦૦ ના મુદ્દામાલ સાથે હાલમાં પોલીસે કિશન રમેશભાઇ અજાણા જાતે રબારી (૨૪) રહે.શનાળા રોડ ગુજરાત હાઉસિંગ બોર્ડ બ્લોક નંબર એમ ૫૫/૩૧૦ અને જય ઉર્ફે કારો ગંગારામ પારજીયા જાતે પટેલ (૨૪) રહે.નવા બસ સ્ટેશન પાછળ ક્રિષ્ના એપાર્ટમેન્ટ મોરબી વાળાની દારૂના ગુનામાં ધરપકડ કરી ધોરણસકની કાર્યવાહી હાથ ધરવામાં આવી હતી.
કાર બાઈક અકસ્માત
મોરબીના ઉમિયા સર્કલ પાસે યદુનંદન શેરી નંબર-૧ માં રહેતા વિનોદભાઈ લવજીભાઈ પોપટ નામના ૬૫ વર્ષના વૃદ્ધને વાહન અકસ્માતમાં ઇજા થતા ખાનગી હોસ્પિટલે સારવાર માટે લાવવામાં આવ્યા હતા.જાણવા મળતી વિગતો મુજબ મોરબીના લાતી પ્લોટના શેરી નંબર-૬ ના ખૂણા પાસે તેઓ બાઈક લઈને જતા હતા ત્યારે તેઓના બાઈકને કારના ચાલકે હડફેટે લીધું હતું જેથી ઇજા થતાં વિનોદભાઈ પોપટને સારવાર માટે ખસેડાયા હતા હાલ બનાવ અંગે જાણ થયેલી હોય એ ડિવિઝન પોલીસ મથકના એચ.એમ.ચાવડા દ્વારા તપાસ ચલાવવામાં આવી રહી છે.
