ટંકારા તાલુકામાં ધોળા દિવસે ચોરી કરનાર આરોપીના જામીન મંજુર
SHARE
JOIN OUR GROUP
ટંકારા તાલુકામાં ધોળા દિવસે ચોરી કરનાર આરોપીના જામીન મંજુર
ટંકારામાં ધોળા દિવસે ચોરીનો બનાવ બનેલ હતો જે ગુનામાં પકડાયેલ આરોપીના જામીન માટે અરજી કરવામાં આવી હતી જેમાં ટંકારાના યુવા એડવોકેટ કેતન બી.ચૌહાણ અને દેવન આર. ચૌહાણએ દલીલ કરી હતી જેને ધ્યાને રાખીને સેશન્સ કોર્ટ દ્વારા આરોપીના શરતી જામીન મંજૂર કરવામાં આવેલ છે.
ટંકારા તાલુકા વિસ્તારમાં ધોળા દિવસે ચોરી હતી જે ગુનામાં પોલીસે આરોપી સોહીલ સતાર દલ ની અટકાયત કરી હતી અને આ કેસની વિગત એવી હતી કે, આરોપીએ ફરિયાદીના ઘરને નિશાન બનાવીને મકાનમાં તાળું તોડીને સોના અને ચાંદીના ઘરેણાં સહિતની અન્ય વસ્તુઓની ચોરી કરી હતી, જેમાં રોકડ રૂપિયા ૧,૫૬,૫૮૦ તેમજ કુલ ૨૬,૦૪,૧૦૫ ના મુદામાલની ચોરી કરવામાં આવી હતી અને આરોપી ઉપર એવો આરોપ છે કે ચોરી કર્યા પછી, આરોપીએ ચોરાયેલી મિલકતને કબ્રસ્તાનમાં અને મોટરસાઇકલના સ્ટોરેજ કમ્પાર્ટમેન્ટમાં છુપાવી દીધી હતી. અને તપાસ દરમિયાન, આરોપીના કબજામાંથી સમગ્ર ચોરાયેલી મિલકત જપ્ત કરવામાં આવેલ છે જે ગુનામાં આરોપીને પકડીને જેલ હવાલે કરવામાં આવેલ હતો. અને આરોપીએ રેગ્યુલર જામીન મુક્ત થવા માટે સેસન્સ કોર્ટમાં કેતન બી.ચૌહાણ, દેવન આર.ચૌહાણ મારફતે અરજી કરી હતી અને સેસન્સ કોર્ટ દ્વારા આરોપીના વકીલોની દલીલોને માન્ય રાખીને આરોપીને શરતોને આધીન રૂપિયા ૫૦,૦૦૦ ના જામીન પર મુક્ત કરવાનો હુકમ કર્યો છે આ કેસમાં આરોપી તરફે કેતન બી.ચૌહાણ, દેવજી આર. ચૌહાણ ,જયશ્રીબેન સિણોજીયા, વિશાલ ડી. યાજ્ઞિક રોકાયેલ હતા.
