મોરબીના વાવડી રોડે ૬ બોટલ દારૂ સાથે એક પકડાયો, માલ આપનારની શોધખોળ

મોરબીના વાવડી રોડ ઉપર આવેલ ઉમિયા પાર્ક પાસેથી પસાર થઈ રહેલા શખ્સને રોકીને પોલીસ દ્વારા ચેક કરવામાં આવતા તેની પાસેથી દારૂની છ બોટલ મળી આવી હતી જેથી પોલીસે 3342 ની કિંમતનો મુદ્દામાલ કબજે કર્યો છે અને આ દારૂની બોટલો જેની પાસેથી મળી હતી તેનું નામ પણ સામે આવતા એ ડિવિઝન પોલીસ સ્ટેશન ખાતે બે શખ્સોની સામે ગુનો નોંધી બીજા આરોપીને પકડવા માટે તજવીજ શરૂ કરેલ છે

મોરબી એ ડિવિઝન પોલીસની ટીમ પેટ્રોલિંગમાં હતી ત્યારે વાવડી રોડ ઉપર આવેલ ઉમિયા પાર્ક પાસેથી પસાર થઈ રહેલા શખ્સને રોકીને પોલીસ દ્વારા ચેક કરવામાં આવ્યો હતો ત્યારે તેની પાસેથી દારૂની છ બોટલ મળી આવી હતી જેથી 3342 ની કિંમતનો દારૂનો જથ્થો કબજે કરીને આરોપી બસીરભાઇ ઉર્ફે ટીકડી યુસુફભાઈ શાહમદાર (24) રહે. મહેન્દ્રપરા શેરી નં. 12 મોરબી વાળાની ધરપકડ કરવામાં આવી હતી અને તેની પૂછપરછ દરમિયાન આ દારૂની બોટલો તેણે દશરથસિંહ વનરાજસિંહ ઝાલા રહે. માધાપર મોરબી વાળા પાસેથી મેળવી હોવાનું સામે આવતા બંને સામે એ ડિવિઝન પોલીસ સ્ટેશન ખાતે ગુનો નોંધાયો છે અને બીજા આરોપીને પકડવા માટે પોલીસે તજવીજ હાથ ધરી છે

રાજપર ચોકડી પાસેથી દારૂ સાથે કાર ચાલક પકડાયો

મોરબીના સનાળા ગામ પાસે રાજપર ચોકડી નજીકથી પસાર થઈ રહેલ કાર નંબર જીજે 3 જેસી 5148 ને રોકીને પોલીસ દ્વારા ચેક કરવામાં આવતા કારમાં જઈ રહેલા શખ્સ પાસેથી દારૂની બોટલ મળી આવી હતી જેથી 300 રૂપિયાની કિંમતનો દારૂ અને દોઢ લાખ રૂપિયાની ગાડી આમ કુલ મળીને 1,50,300 રૂપિયાની કિંમતનો મુદ્દામાલ કબજે કરીને આરોપી લાલજીભાઈ હનુભાઈ વાઘેલા (29) રહે. આસ્થા સોસાયટી મેટોડા રાજકોટ વાળાની ધરપકડ કરી તેની સામે એ ડિવિઝન પોલીસ સ્ટેશન ખાતે ગુનો નોંધી આગળની કાર્યવાહી હાથ ધરી હતી.