ટંકારા નજીક આઇસર ચાલકે રોડ સાઈડમાં ઊભેલી રિક્ષાને હડફેટે લેતા સર્જાયેલ અકસ્માતમાં ઇજા પામેલ એક બાળકનું મોત

મોરબી રાજકોટ હાઇવે રોડ ઉપર આવેલ જબલપુર ગામના પાટીયા પાસે સ્કૂલ નજીક અતુલ કેરી રીક્ષા લઈને ઉભેલા યુવાનની રિક્ષાને આઇસર ગાડીના ચાલકે પાછળથી હડફેટે લીધી હતી જેથી કરીને અકસ્માતનો બનાવ બન્યો હતો જે બનાવમાં યુવાનના સાસુ, સસરા, સાળાની વહુ અને દીકરાને ઇજાઓ થઈ હતી અને તે પૈકી 9 વર્ષના સાળાના દીકરાનું સારવાર દરમિયાન મોત નીપજયું છે જેથી કરીને હાલમાં યુવાને ટંકારા તાલુકા પોલીસ સ્ટેશન ખાતે આઇસર ચાલક સામે ફરિયાદ નોંધાવતા પોલીસે ગુનો નોધીને આરોપીને પકડવા માટે તજવીજ શરૂ કરેલ છે

મોરબીના સનાળા બાયપાસ રોડ ઉપર આવેલ પચ્ચીસ વારીયાના બ્લોકમાં રહેતા સંજયભાઈ ગંગારામભાઈ ઉઘરેજા (30)એ આઇસર નંબર જીજે 7 વાય વાય 5025 ના ચાલક સામે ફરિયાદ નોંધાવેલ છે જેમાં જણાવ્યુ છે કે, મોરબી રાજકોટ હાઇવે રોડ ઉપર આર્ય સ્કૂલ અને દેવકુંવર સ્કૂલ પહેલા ફરિયાદી પોતાની અતુલ કેરી રિક્ષા નંબર જીજે 12 એવાય 1470 લઈને રોડ સાઈડમાં ઉભો હતો દરમિયાન પાછળથી આવી રહેલા આઇસર ચાલકે તેની રીક્ષાને હડફેટે લેતા અકસ્માતનો બનાવ બન્યો હતો જે બનાવમાં રીક્ષાની અંદર બેઠેલા ફરિયાદીના સાસુ લીલાબેન હકાભાઇ માંગડીયા (50)ને માથામાં ઇજા થતાં ટાંકા આવ્યા હતા અને ડાબા ખભે ફેકચર જેવી ઈજા થઈ હતી તો ફરિયાદીના સાળાના પત્ની જયશ્રીબેનને જમણા હાથમાં ફ્રેક્ચર, ફરિયાદીના સસરા હકાભાઇને શરીરે ઇજાઓ તેમજ ફરિયાદીના સાળાના દિકરા હરી (9)ને જમણા પગમાં તથા શરીરે ગંભીર ઈજા થઈ હતી જેથી તેને સારવાર માટે લઈ ગયા હતા અને ચાલુ સારવાર દરમિયાન તે બાળકનું મોત નીપજ્યું હતું જેથી અકસ્માતના બનાવ સંદર્ભે યુવાને નોંધાવેલ ફરિયાદ આધારે પોલીસે આઇસર ચાલક સામે ગુનો નોંધીને આરોપીને પકડવા માટે તજવીજ શરૂ કરી છે.