મોરબી નજીક કારખાનાની લેબર કોલોનીમાં પહેલા માળેથી નીચે પડતાં ઇજા પામેલ 2 વર્ષના બાળકનું મોત

મોરબીના ઊંચી માંડલ ગામ પાસે આવેલ કારખાનાની લેબર કોલોનીમાં પહેલા માળ ઉપરથી નીચે પટકાતા બે વર્ષના બાળકને માથામાં તથા શરીરે ઇજાઓ થઈ હતી જેથી તેને સારવાર માટે પ્રથમ મોરબી અને ત્યાંથી વધુ સારવાર માટે રાજકોટ સુધી લઈ ગયા હતા જોકે સારવાર કારગત ન નિવડતા તે બાળકનું મોત નીપજ્યું હતું અને અકસ્માત મૃત્યુના બનાવની મોરબી તાલુકા પોલીસ સ્ટેશન ખાતે જાણ કરવામાં આવી હતી

મોરબી હળવદ હાઇવે રોડ ઉપર આવેલ ઊંચી માંડલ ગામ પાસે કારખાનામાં રહેતા અને મજૂરી કામ કરતાં સુજીતભાઈ સુહાનીનો 2 વર્ષનો દીકરો સૂર્યાંશ ત્યાં લેબર ક્વાર્ટર નજીક પહેલા માળે રમતો હતો ત્યારે રમતા રમતા ઉપરથી નીચે પટકાયો હતો જેથી આ બાળકને માથામાં તથા શરીરે ઇજાઓ થઈ હતી ત્યાર બાદ ઇજાગ્રસ્ત બાળકને સારવાર માટે પ્રથમ મોરબી અને ત્યાંથી વધુ સારવાર માટે તેને રાજકોટ સુધી લઈ ગયા હતા જોકે સારવાર કારગત ન નિવડતા તે બાળકનું મોત નીપજ્યું હતું જેથી આ બનાવની મોરબી તાલુકા પોલીસ સ્ટેશન ખાતે જાણ કરતા પોલીસે બનાવની નોંધ કરી આગળની કાર્યવાહી હાથ ધરી હતી