માળીયા (મી)ના કુંભારિયાથી લૂંટાવદર ગામે ભાઈને લેવા માટે જતાં ભાઈને રસ્તામાં કાળનો ભેટો: બે સંતાનોએ પિતાની છત્રછાયા ગુમાવી
SHARE
JOIN OUR GROUP
માળીયા (મી)ના કુંભારિયાથી લૂંટાવદર ગામે ભાઈને લેવા માટે જતાં ભાઈને રસ્તામાં કાળનો ભેટો: બે સંતાનોએ પિતાની છત્રછાયા ગુમાવી
માળીયા (મી)ના કુંભારિયા ગામે ખેતીની જમીનને ભાગવી વાવવા માટે યુવાને રાખી હતી અને તે યુવાન મોરબીના તાલુકાના લુટાવદર ગામે તેના ભાઈને તેડવા માટે બાઈક લઈને જઈ રહ્યો હતો દરમિયાન રસ્તામાં ટ્રક ચાલકે પેટ્રોલ પંપ નજીક તેના બાઈકને હડફેટે લેતા યુવાનને માથામાં અને શરીરે ગંભીર ઇજાઓ થઈ હતી જેથી તેને સારવાર માટે પ્રથમ મોરબી અને ત્યાંથી વધુ સારવાર માટે રાજકોટ સુધી લઈ ગયા હતા જો કે, સારવાર કારગત ન નીકળતા તે યુવાનનું મોત નીપજયું હતું અને આ બનાવની પોલીસને જાણ કરવામાં આવી છે
મૂળ એમપીના રહેવાસી અને હાલમાં માળીયા મિયાણાં તાલુકાના કુંભારીયા ગામે રહેતા સંજયભાઈ સિંદૂરસિંગ માવી (23) નામનો યુવાન બાઈક લઈને લૂંટાવદર ગામ તરફ જઈ રહ્યો હતો દરમિયાન રસ્તામાં પેટ્રોલ પંપ નજીક ચોકડી પાસે ટ્રક ચાલકે તેના બાઇકને હડફેટે લેતા અકસ્માતનો બનાવ બન્યો હતો જે બનાવમાં સંજયભાઈને માથામાં અને શરીરે ગંભીર ઇજાઓ થઈ હતી જેથી તેને પ્રથમ સારવાર માટે મોરબી અને ત્યારબાદ વધુ સારવાર માટે રાજકોટ સુધી લઈ ગયા હતા જોકે સારવાર કારગત ન નિવડતા તે યુવાનનું મોત નીપજયું હતું અને આ બનાવની હોસ્પિટલ મારફતે પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી છે અને વધુમાં મૃતક યુવાનના ભાઈ દીપકભાઈ સાથે વાત કરતા તેમને જણાવ્યું હતું કે, સંજયએ માળિયા તાલુકાના કુંભારીયા ગામે ખેતીની જમીન ભાગની વાવવા માટે રાખી હતી અને તેનો નાનો ભાઈ જશુ મોરબી તાલુકાના લૂંટાવદર ગામે રહેતો હોય તેને ત્યાં લેવા માટે થઈને સંજયભાઇ બાઇક લઈને ગયો હતો દરમિયાન રસ્તામાં ટ્રક ચાલકે તેના બાઇકને હડફેટે લેતા અકસ્માતનો બનાવ બન્યો હતો આ બનાવમાં યુવાનનું મોત નીપજવાના કારણે બે બાળકોએ તેના પિતાની છત્રછાયા ગુમાવી છે.
એસીડ પી જતા સારવારમાં
કચ્છના રાપર તાલુકાના નવાપરા ગામે રહેતા નયનાબેન રમેશભાઈ લાખાભાઈ ચાવડા નામની ૧૫ વર્ષની તરૂણી કોઈ કારણોસર એસિડ પી ગઈ હતી જેથી તેણીને અહિંની મંગલમ હોસ્પિટલે સારવાર માટે લાવવામાં આવી હતી સ્થાનિક પોલીસે પ્રાથમિક તપાસ કરીને બનાવવ અંગે રાપર પોલીસને જાણ કરી હતી.જ્યારે ટંકારાના મીતાણા ગામે રોહિતભાઈની વાડીએ કામ દરમિયાન સાપ કરડી જતા રાહુલ જાલમસિંગ અજનાર (૨૦) નામના મજૂર યુવાનને અહીંની સિવિલ હોસ્પિટલે સારવાર માટે લાવવામાં આવ્યો હતો
