ટંકારાના નેકનામ નજીક બે કારખાનામા ગેરકાયદે પાણીના કનેક્શન લઈને પાણીચોરી

ટંકારા તાલુકાના નેકનામ ગામ પાસેથી પસાર થતી બેડીથી જોધપર ઝાલા ગામ તરફની જૂથ યોજનાની પાણીની લાઈનમાં ગેરકાયદેસર ભંગાણ કરવામાં આવ્યું હતું અને પાણી ચોરી કરવામાં આવતી હતી તેમજ પાણીનો બગાડ કરતાં હતા જેથી કરીને હાલમાં કોન્ટ્રાક્ટર દ્વારા બે કારખાનેદારની સામે ટંકારા તાલુકા પોલીસ સ્ટેશન ખાતે ફરિયાદ નોંધાવવામાં આવી છે જેના આધારે પોલીસે આરોપીઓને પકડવા માટે તજવીજ શરૂ કરી છે.

જાણવા મળતી માહિતી મુજબ ટંકારા તાલુકાના જબલપુર ગામે રહેતા કોન્ટ્રાક્ટર ચિરાગભાઈ પ્રભુભાઈ કામરીયા (35)એ હાલમાં શુભ એન્ટરપ્રાઇઝ કારખાનુ અને એડન પોલિપેક કારખાનાના જવાબદાર વ્યક્તિઓની સામે ટંકારા તાલુકા પોલીસ સ્ટેશન ખાતે પાણી ચોરી અંગેની ફરિયાદ નોંધાવી છે જેમાં તેને જણાવ્યું છે કે, ટંકારા તાલુકાના નેકનામ ગામ પાસે જીઇબીના સબ સ્ટેશન પાસેથી ટંકારા જૂથ યોજનાની બેડી થી જોધપર ઝાલા જતી 200 એમએમ પીવીસીની પાણીની પાઇપ લાઇનમાં ગેરકાયદેસર રીતે ભંગાર કરીને પાણીની ચોરી અને પાણીનો બગાડ કરવામાં આવતો હતો અને આ લાઈનની મરામત અને નિભાવની કામગીરી શ્યામ કન્સ્ટ્રકશનને આપવામાં આવેલ છે જેથી હાલમાં કોન્ટ્રાક્ટરે નોંધાવેલ ફરિયાદ આધારે પોલીસે પાણી ચોરી કરી રહેલા બે કારખાનદારોની સામે ગુનો નોંધીને તેને પકડવા માટે થઈને તજવીજ શરૂ કરી છે. આ અંગેની આગળની વધુ તપાસ આર.એન, કંઝારીયા ચલાવી રહ્યા છે.