મોરબી જિલ્લા કોંગ્રેસના પ્રમુખે બિસ્માર રોડ રીપેર કરવા કરી મામલતદારને રજૂઆત

મોરબી જિલ્લાના મોટા ભાગના રસ્તા ભાંગીને ભુક્કો થઈ ગયા છે ત્યારે મોરબી જિલ્લા કોંગ્રેસ સમિતિના પ્રમુખે હાલમાં માળીયા ગામથી સ્ટેટ હાઇ-વેને જોડતો રસ્તો અતિ બિસ્માર હોવાથી લોકોને હેરાન થવું પડે છે જેથી કરીને તાત્કાલિક આ રોડ રીપેર કરવામાં આવે તેવી માંગ કરવામાં આવી છે

મોરબી જિલ્લા કોંગ્રેસના પ્રમુખ જયંતિભાઈ પટેલ દ્વારા માળીયાના મામલતદારને લેખિતમાં રજૂઆત કરી છે તેમાં જણાવ્યુ છે કે, માળીયા ગામથી સ્ટેટ હાઇ-વે સુધીનો રોડ છેલ્લા ઘણા મહિનાથી અતિબિસ્માર હાલતમાં છે અને વાહન ચાલકો તેમજ ગ્રામજનોને પારાવાર મુશ્કેલીનો સામનો કરવો પડે છે જેથી કરીને આ રોડને તાત્કાલિક બનાવવામાં આવે તે અનિવાર્ય છે વધુમાં તેઓએ જણાવ્યુ છે કે, ખરાબ રોડના લીધે અકસ્માત થવાનો ભય રહે છે જેથી કરીને નિર્દોષ લોકોના જીવ જાય તે પહેલા આ રોડનું કામ કરવામાં આવે તે લોકોના હિતમાં છે