મોરબી જીલ્લામાં ઢુવા અને વઘાસિયા પાસે આવેલ કયુટોન કારખાનામાં આઇટીનું સર્ચ ઓપરેશન

મોરબી વાંકાનેર હાઇવે ઉપર આવેલ ઢુવા અને વઘાસીયા ટોલનાકા નજીક જુદા જુદા બે કારખાનામાં આઈટી વિભાગ દ્વારા આજે વહેલી સવારથી સર્ચ ઓપરેશન શરૂ કરવામાં આવ્યું છે અને હાલમાં નાણાકીય વ્યવહારોની તપાસ આઇટી વિભાગના અધિકારીઓ દ્વારા કરવામાં આવી રહી છે

મોરબીની આસપાસના વિસ્તારમાં આવેલ સીરામીક ઉદ્યોગ આવતીકાલે તા. ૧૦ થી એક મહિના સુધી પ્રોડક્શન બંધ કરી રહ્યો છે અને તમામ કારખાનાઓ બંધ રહેવાના છે ત્યાર પહેલાં આજે મોરબી જિલ્લામાં વાંકાનેર તાલુકાની હદમાં વઘાસીયા ટોલનાકા પાસે આવેલ ક્યુંટોન સિરામિક તેમજ ઢુવા પાસે વરમોરા કારખાનાની પાછળના ભાગમાં આવેલ કયુટોન સીરામીક ખાતે આજે વહેલી સવારથી આઈટી વિભાગની ટીમ દ્વારા સર્ચ ઓપરેશન શરૂ કરવામાં આવ્યું છે અને આઇટી વિભાગના અધિકારીઓ દ્વારા હાલમાં બંને કારખાનાઓમાં નાણાકીય વ્યવહારોની તપાસ કરવામાં આવી રહી છે વધુમાં સૂત્રો પાસેથી જાણવા મળતી માહિતી પ્રમાણે હાલમાં અગ્રવાલ ગ્રુપ દ્વારા આ બંને સીરામીક કારખાનાનું સંચાલન કરવામાં આવી રહ્યું છે અને આ ગ્રુપની મુખ્ય ઓફિસ અમદાવાદના પ્રહલાદ નગર વિસ્તારમાં આવેલ છે ત્યાં પણ આઈટી વિભાગની ટીમ દ્વારા તપાસ શરૂ કરવામાં આવી છે તેના ભાગરૂપે મોરબી જિલ્લાના આ બંને કારખાનામાં આઈટી વિભાગની ટીમો દ્વારા સર્ચ ઓપરેશન શરૂ કરવામાં આવ્યું છે