મોરબીની લોમજીવન સોસાયટીમાં રહેતી યુવતીએ ઘરમાં ન કરવાનું કરી નાખ્યું: બાઇક અને ટ્રેકટર વચ્ચે અકસ્માત થતાં ઇજા પામેલ યુવાન સારવારમાં

મોરબીના વાવડી રોડ ઉપર આવેલ લોમજીવન સોસાયટી જનતા સાયકલ વાળી શેરીમાં રહેતા પરિવારની 21 વર્ષની દીકરીએ પોતે પોતાના ઘરની અંદર ગળાફાંસો ખાઈને આપઘાત કરી લીધો હતો જેથી કરીને તેના મૃતદેહને પીએમ માટે સરકારી હોસ્પિટલ ખાતે લઈને આવ્યા હતા અને આ બનાવની મૃતક યુવતીના પિતાએ મોરબી એ ડિવિઝન પોલીસ સ્ટેશન ખાતે જાણ કરતા પોલીસે આપઘાતના બનાવની નોંધ કરીને આગળની કાર્યવાહી હાથ ધરી છે

બનાવની જાણવા મળતી માહિતી મુજબ મોરબીના વાવડી રોડ ઉપર આવેલ લોમજીવન સોસાયટી જનતા સાઇકલ વાળી શેરીમાં રહેતા દિલાવરભાઈ બચુભાઈ ચિચોદરા જાતે ઘાંચી મુસ્લિમ (55) ની દીકરી અસ્માબેન દિલાવરભાઈ ચિચોદરા (21)એ પોતે પોતાના ઘરની અંદર ગળાફાંસો ખાઈને આપઘાત કરી લીધો હતો જેથી કરીને તેના મૃતદેહને મોરબીની સરકારી હોસ્પિટલ ખાતે લઈને આવ્યા હતા અને ત્યારબાદ આ બનાવની મૃતક યુવતીના પિતાએ મોરબી એ ડિવિઝન પોલીસ સ્ટેશન ખાતે જાણ કરતા પોલીસે આપઘાતના બનાવની નોંધ કરી આગળની કાર્યવાહી હાથ ધરી છે અને આ બનાવની આગળની વધુ તપાસ એ ડિવિઝન પોલીસ સ્ટેશન ખાતે ફરજ બજાવતા એમ.એચ.વાસાણી ચલાવી રહ્યા છે

બાઇક અને ટ્રેકટર વચ્ચે અકસ્માત

મોરબીના બાયપાસ રોડ ઉપર આવેલ નેક્સસ સિનેમાથી આગળના ભાગમાં પેટ્રોલ પંપ પાસેથી વાકાનેરના રહેવાસી રણજીતભાઈ વિજયભાઈ યાદવ (20) નામનો યુવાન બાઇક લઈને જઈ રહ્યો હતો ત્યારે ટ્રેક્ટર ચાલલે તેના બાઇકને હડફેટે લેતા અકસ્માતનો બનાવ બન્યો હતો અને અકસ્માતના બનાવમાં ઈજા પામેલ યુવાનને સારવાર માટે મોરબીની સરકારી હોસ્પિટલ ખાતે લઈને આવ્યા હતા અને આ બનાવની મોરબી તાલુકા પોલીસને જાણ કરતા પોલીસે બનાવની નોંધ કરી આગળ કાર્યવાહી હાથ ધરી છે અને આ બનાવની વધુ તપાસ એ.એમ. જાપડીયા ચલાવી રહ્યા છે