મોરબીમાં કોરોનની પ્રાઈવેટમાં સારવાર લેનાર દર્દીને વિમાની રકમ વ્યાજ સાથે ચૂકવવા કોર્ટનો આદેશ
Morbi Today
મોરબીના લીલાપર ગામે ઝેરી દવા પી જતા યુવાન સારવારમાં
SHARE
JOIN OUR GROUP
મોરબીના લીલાપર ગામે ઝેરી દવા પી જતા યુવાન સારવારમાં
મોરબીના લીલાપર રોડ ઉપર આવેલ પાર્ટી પ્લોટ નજીક કોઈ કારણોસર યુવાન ઝેરી દવા પી ગયો હતો જેથી તેને સારવાર માટે અત્રે સિવિલે લાવવામાં આવ્યો હતો.મોરબી તાલુકા પોલીસ સૂત્રોમાંથી મળતી માહિતી મુજબ મોરબીના લીલાપર ગામે રહેતા રાજેન્દ્ર કૈલાષભાઈ સાંભલ નામના ૩૦ વર્ષના યુવાને લીલાપર પાસે આવેલ લાડલી પાર્ટી પ્લોટ નજીક વાળી વિસ્તારમાં કોઈ અગમ્ય કારણોસર ઝેરી દવા પી લીધી હતી જેથી કરીને તેને ૧૦૮ વડે અહીંની સિવિલ હોસ્પિટલે સારવાર માટે લાવવામાં આવ્યો હતો બનાવને પગલે હોસ્પિટલ સત્તાવાળાઓ દ્વારા તેની સારવાર કરવામાં આવ્યા બાદ તાલુકા પોલીસમાં જાણ કરવામાં આવેલી હોય હાલમાં બીટ વિસ્તારના મહિલા એએસઆઇ એન.જે.ખડીયા દ્વારા બનાવના કારણ અંગે આગળની તપાસ કરવામાં આવી રહેલ છે.
યુવાન સારવારમાં
મોરબીના જેતપર રોડ ઉપર આવેલ રંગપર ગામે વિરાટનગર વિસ્તારમાં રહેતા ધીરજ હંસરાજભાઈ પટેલ નામના ૪૮ વર્ષના યુવાને કોઈ અગમ્ય કારણોસર ઝેરી દવા પી લીધી હતી જેથી તેને શહેરના સામાકાંઠે આવેલ શિવમ હોસ્પિટલે ખસેડવામાં આવ્યો હતો અને બનાવની જાણ થતા હાલમાં તાલુકા પોલીસ મથકના ફિરોજભાઈ સુમરા દ્વારા બનાવના કારણ સંદર્ભે આગળની તપાસ શરૂ કરવામાં આવી હોવાનું જાણવા મળેલ છે.
વાહન અકસ્માતમાં ઇજા
મોરબીના વાંકાનેર હાઇવે ઉપર જાંબુડીયા ગામ પાસે રહેતા ગૌતમભાઇ લક્ષ્મીકાંતભાઈ દાસ નામના ૨૨ વર્ષના યુવાનને વાંકાનેર હાઇવે ઉપર દરિયાલાલ હોટલની સામે વાહન અકસ્માતના બનાવમાં ઇજાઓ પહોંચતા ૧૦૮ વડે તેને સારવાર માટે અત્રેની સિવિલે લાવવામાં આવ્યો હતો બનાવને પગલે હોસ્પિટલ દ્વારા યુવાનની સારવાર કરવામાં આવ્યા બાદ તાલુકા પોલીસમાં જાણ કરવામાં આવતા હાલમાં તાલુકા પોલીસ મથકના અશ્વિનભાઈ ઝાપડિયા દ્વારા આ અંગે આગળની તપાસ ચલાવવામાં આવી રહી હોવાનું જાણવા મળેલ છે.
