ટંકારા તાલુકાનાં ડેમી -2 ડેમમાંથી ચેકડેમો ભરવા 1 દરવાજો 1 ફૂટ ખોલ્યો

ટંકારાના નસીતપર ગામ પાસે આવેલ ડેમી -2 ડેમમાંથી નીચેના નદીના પટમાં આવતા ચેકડેમો ભરવા માટે પાણી છોડવામાં આવી રહ્યું છે અને આજે ડેમનો 1 દરવાજો 1 ફૂટ સુધી ખોલીને ડેમી નદીમાં પાણી છોડવામાં આવ્યું છે ત્યારે ખેડૂતોને ધારાસભ્ય સહિતના ડેમ સાઈડ ઉપર હાજર રહ્યા હતા અને ખેડૂતોને સિંચાઈ માટે પાણી નદી મારફતે અને ચેકડેમમાંથી  મળી રહેશે તેવી લાગણી વ્યક્ત કરી હતી

મોરબી જિલ્લામાં ગત સપ્તાહમાં પડેલા વરસાદના કારણે સ્થાનિક જળાશયોની અંદર પાણીની આવક ચાલી રહી છે તેવામાં જો ટંકારા તાલુકા વિસ્તારની વાત કરીએ તો નસીતપર ગામ પાસે આવેલ ડેમી ડેમમાં આજની તારીખે પણ 122 કયુસેક પાણીની આવક ચાલી રહી છે ત્યારે ડેમની નીચે નદીના પટમાં બનાવવામાં આવેલા ચેકડેમો ભરવા માટે થઈને ડેમોમાંથી પાણી છોડવાનું સિંચાઇ વિભાગ દ્વારા આયોજન કરવામાં આવ્યું છે અને આજે સવારે 10:00 વાગ્યાથી ડેમનો 1 દરવાજો 1 ફૂટ સુધી ખોલીને 514 ક્યુસેક પાણી ડેમી નદીમાં છોડવામાં આવી રહ્યું છે આજે ડેમમાંથી જ્યારે નદીમાં પાણી છોડવામાં આવ્યું હતું ત્યારે ટંકારાને ધારાસભ્ય દુર્લભજીભાઈ દેથરીયા તેમજ ભાજપના આગેવાનો અને ખેડૂતો સહિતના લોકો ત્યાં હાજર રહ્યા હતા જો કે, નદીમાં પાણી છોડતા પહેલા ટંકારા તાલુકાનાં નસીતપર, નાના રામપર અને મોટા રામપર, મોરબી તાલુકાના ચાચાપર, ખાનપર, આમરણ, ડાયમંડનગર, બેલા તથા જોડિયા તાલુકાના માવનુ ગામના લોકોને એલર્ટ કરવામાં આવ્યા હતા