મોરબીના જેતપર ગામે ચાલતા ખેડૂતના આમરણાંત ઉપવાસ આંદોલનમાં હવે નારી શક્તિ જોડાઈ: કુલ 9 લોકોએ કર્યો અન્નનો ત્યાગ મોરબીના દલવાડી સર્કલ પાસે સગીરા સાથે દુષ્કર્મ, આરોપીની ગણતરીની કલાકોમાં ધરપકડ મોરબીમાં દુષ્કર્મનો ભોગ બનેલ યુવાતીએ ધમકીઓથી કંટાળીને આપઘાત કર્યો હોવાની બે મહિલા સહિત 3 સામે ફરિયાદ હળવદના રણમલપુર ગામે વાડીએ જતાં યુવાનના રસ્તામાં અવરોધ ઉભો કરનારા બે શખ્સો સામે ગુનો નોંધાયો હળવદ નજીકથી 9,456 બોટલો દારૂ ભરેલ આઇસર સાથે એક ઝડપાયો, 52.89 લાખનો મુદ્દામાલ કબજે ટંકારાના જબલપુર નજીકથી દારૂ ભરેલ કાર સાથે એક પકડાયો: 4.45 લાખનો મુદામાલ કબ્જે મોરબીના થોરાળા અને બેલા નજીક સર્જાયેલ જુદાજુદા બે જીવલેણ અકસ્માતના બનાવમાં હવે ગુના નોંધાયા મોરબીના ચાચાપર ગામે કારખાનાની કોલોનીમાં રહેતો યુવાન જમીને ઊભો થયા બાદ અચાનક ઉલટી થતાં મોત નીપજયું

Breaking news

Morbi Today

મોરબીમાં દારૂની ૩૬ બોટલ ભરેલ કોથળો ખભે લઈને નીકળેલ બુટલેગર ઝડપાયો !

16-03-2023 10:27 AM

મોરબીમાં દારૂની ૩૬ બોટલ ભરેલ કોથળો ખભે લઈને નીકળેલ બુટલેગર ઝડપાયો !

મોરબીના મણીમંદિર પાસે આવેલ ખાખરેચી દરવાજા પાસેથી ખભે કોથળો નાખીને નીકળેલ શખ્સને રોકીને પોલીસે ચેક કરતાં તેની પાસે રહેલા કોથળામાંથી ૩૬ બોટલ દારૂ મળી આવ્યો હતો જેથી કરીને પોલીસે ૧૨૬૦૦ ની કિંમતનો દારૂનો જથ્થો કબજે કર્યો છે અને આ શખ્સ દારૂનો જથ્થો ક્યાંથી લાવ્યો હતો ? અને કોને આપવાનો હતો ? તે દિશામાં હજુ સુધી કોઈ માહિતી સામે આવી નથી

જાણવા મળતી માહિતી પ્રમાણે મોરબી સીટી એ ડિવિઝન પોલીસની ટીમ પેટ્રોલિંગમાં હતી ત્યારે મોરબીમાં મણીમંદિર નજીક ખાખરેચી દરવાજા પાસેથી શંકાસ્પદ હાલતમાં કોથલા સાથે એક શખ્સ મળી આવ્યો હતો જેથી પોલીસે તે શખ્સને રોકીને ચેક કર્યો હતો ત્યારે તેની પાસે રહેલા કોથળામાંથી દારૂની બોટલો મળી આવતા પોલીસે ૩૬ બોટલ દારૂ જેની કિંમત ૧૨૬૦૦ નો મુદ્દા માલ કબજે કર્યો હતો અને સિરાજભાઈ સલીમભાઈ ઉનડપોત્રા જાતે સંધિ મુસ્લિમ (૨૨) રહે. જુના બસ સ્ટેશન પાછળ ટેક્સી શેરી સામે મોરબી વાળાની ધરપકડ કરેલ છે અને આ શખ્સ પાસેથી મળી આવેલ દારૂની બોટલો તે કોની પાસેથી લાવ્યો હતો ? કયા વાહનમાં લાવ્યો હતો ? અને કોને આપવા માટે જતો હતો ? તે જ દિશામાં હજુ સુધી કોઈ માહિતી સામે આવી નથી અત્રે એ સવા ઊભો થાય છે કે, ૩૬ બોટલ દારૂ ભરેલ કોથળો ખભે નાખીને આ બુટલેગર નીકળ્યો હશે ? કે પછી તેને કોઈ વાહનમાં ત્યાં સુધી મૂકી ગયું હશે અને બીજા વાહનમાં કોઈ તેની પાસેથી દારૂની બોટલોની ડિલિવરી લેવા માટે આવવાનું હશે ? આ આરોપી પાસે કોઈ મોબાઇલ હેન્ડસેટ હતો કે કેમ ? તે સહિતના અનેક પ્રશ્નો હજુ વણ ઉકેલાયેલ છે

ચાર બોટલ દારૂ

વાંકાનેર તાલુકાના સરતાનપર માટેલ રોડ ઉપર આવેલ કારખાના સામેથી પસાર થઇ રહેલા શખ્સને રોકીને પોલીસે ચેક કરતા તેની પાસેથી દારૂની ચાર બોટલો મળી આવી હતી જેથી પોલીસે ૧૫૦૦ રૂપિયાની કિંમતની દારૂની બોટલો કબજે કરીને બળવંતભાઈ નાગરભાઈ સાંકળીયા જાતે કોળી (૨૩) રહે. હાલ સરતાનપર માટેલ રોડ સીલોન સીરામીક કારખાનાની ઓરડી મૂળ રહે પીપરડી તાલુકો જસદણ વાળાની ધરપકડ કરેલ છે

એક બોટલ દારૂ

મોરબી તાલુકાના ખાખરાળા ગામ પાસે આવેલ પેટ્રોલ પંપ સામેથી ડબલ સવારી બાઇક પસાર થઈ રહ્યું હતું ત્યારે બાઇક નં જીજે ૩૬ પી ૦૮૪૧ ને રોકીને પોલીસે બાઈક પર જતા બે શખ્સને ચેક કર્યા હતા ત્યારે તેની પાસેથી દારૂની એક બોટલ મળી આવી હોય પોલીસે ૩૭૫ રૂપિયાની કિંમતની દારૂની બોટલ તથા ૧૦૦૦૦ રૂપિયાની કિંમતનું બાઇક આમ કુલ મળીને ૧૦૩૭૫ ની કિંમતના મુદ્દામાલ સાથે યોગેશ હરજીવનભાઈ સોલંકી (૨૩) રહે જેપુર અને શેરસિંહ ચુનસિંહ રાવત (૨૫) રહે. હાલ ખાખરાળા ગામ પાસે આવેલી યદુનંદન પેટ્રોલ પંપમાં મૂળ રહે રાજસ્થાન વાળાની ધરપકડ કરેલ છે