હળવદમાં ઘર પાસે પાર્ક કરેલ ટ્રેક્ટરની ટ્રોલીની ચોરી કરનાર બે શખ્સની ધરપકડ
Morbi Today
મોરબીમાં ચરિત્રની શંકા કરીને પત્નીને ત્રાસ આપતા પતિ સામે ફરિયાદ નોંધાઇ
SHARE
JOIN OUR GROUP
મોરબીમાં ચરિત્રની શંકા કરીને પત્નીને ત્રાસ આપતા પતિ સામે ફરિયાદ નોંધાઇ
મોરબીના રવાપર રોડ ઉપર આવેલ કાલિકા પ્લોટ શેરી નંબર 5 માં રહેતી મહિલાના ચરિત્ર્ય ઉપર શંકા કરીને શારીરિક માનસિક ત્રાસ તેના પતિ દ્વારા આપવામાં આવતો હતો અને નાની નાની બાબતે મેણા ટોણા મારીને ઢીકા પાટુનો માર મારવામાં આવતો હતો તેમજ ગાળો આપવામાં આવતી હતી જેથી કરીને હાલમાં મોરબી મહિલા પોલીસ સ્ટેશન ખાતે તેના પતિ સામે ફરિયાદ નોંધાવતા પોલીસે ગુનો નોંધી આરોપીને પકડવા માટે તજવીજ શરૂ કરેલ છે.
બનાવની જાણવા મળતી વિગત મુજબ મોરબીના રવાપર રોડ ઉપર આવેલ કાલિકા પ્લોટ શેરી નંબર 5 માં રહેતી અનિષાબેન હનીફભાઈ અઘામ જાતે મુસ્લિમ (ઉંમર વર્ષ 32) એ હાલમાં તેના પતિ હનીફભાઈ કાસમભાઈ અઘામની સામે મોરબીના મહિલા પોલીસ સ્ટેશન ખાતે ફરિયાદ નોંધાવી છે જેમાં તેને જણાવ્યુ છે કે તેના પતિ દ્વારા ઘરકામ બાબતે અવારનવાર માર મારીને દુઃખ ત્રાસ આપવામાં આવતો હતો તેમજ નાની નાની વાતમાં તેને ઢીકાપાટુનો માર મારીને ગાળો આપવામાં આવતી હતી અને ચરિત્ર્યની શંકા વહેમ કરીને શારીરિક માનસિક દુઃખ ત્રાસ આપવામાં આવતો હતો જેથી કરીને ભોગ બનેલ પરિણીતા દ્વારા નોંધાવવામાં આવેલ ફરિયાદ આધારે પોલીસે મહિલાના પતિ સામે ગુનો નોંધી તેને પકડવા માટે તજવીજ શરૂ કરેલ છે.
