હળવદમાં ઘર પાસે પાર્ક કરેલ ટ્રેક્ટરની ટ્રોલીની ચોરી કરનાર બે શખ્સની ધરપકડ
SHARE
JOIN OUR GROUP
હળવદમાં ઘર પાસે પાર્ક કરેલ ટ્રેક્ટરની ટ્રોલીની ચોરી કરનાર બે શખ્સની ધરપકડ
હળવદ શહેરના કણબીપરાથી રણજીતગઢ જવાના રસ્તા ઉપર યુવાને તેના ઘર પાસે તેની ટ્રેક્ટર ટ્રોલી પાર્ક કરીને મૂકી હતી જેની ચોરી કરવામાં આવી હતી જેથી તેણે હાલમાં હળવદ તાલુકા પોલીસ સ્ટેશન ખાતે 2 શખ્સોની સામે ફરિયાદ નોંધાવતા પોલીસે તેની ધરપકડ કરી આગળની કાર્યવાહી હાથ ધરી છે.
જાણવા મળતી વિગત પ્રમાણે હળવદમાં મહાદેવ નગરમાં રહેતા હરિલાલ છગનભાઈ પારેજીયા જાતે પટેલ (48)એ હળવદ તાલુકા પોલીસ સ્ટેશન ખાતે જીગ્નેશભાઈ ભરતભાઈ ખેર અને સચિનભાઈ બાબુભાઈ મેઘાણી સામે ચોરીની ફરિયાદ નોંધાવી છે જેમાં તેને જણાવ્યુ છે કે કણબીપરાથી રણજીતગઢ જતા રસ્તા ઉપર આવેલ તેઓના મકાન પાસે તેણે પોતાની ટ્રેક્ટરની ટ્રોલી નંબર જીજે 13 ટી 4385 પાર્ક કરીને મૂકી હતી જે 45 હજાર રૂપિયાની કિંમતની ટ્રેક્ટર ટ્રોલીની બંને શખ્સ દ્વારા ચોરી કરવામાં આવી હતી જેથી કરીને હાલમાં યુવાને નોંધાવેલ ફરિયાદ આધારે પોલીસે તેની સામે ચોરીનો ગુનો નોંધીને બંને શખ્સની ધરપકડ કરી આગળની કાર્યવાહી હાથ ધરી છે.
