ભાજપની ગૌરવ યાત્રાને પ્રજા ૨૦૨૨ માં આખરી યાત્રા કરી નાખશે: રમેશભાઈ રબારી
SHARE
JOIN OUR GROUP
ભાજપની ગૌરવ યાત્રાને પ્રજા ૨૦૨૨ માં આખરી યાત્રા કરી નાખશે: રમેશભાઈ રબારી
ગુજરાતની પ્રજાને ગુમરાહ કરવાના હેતુથી ફરી ભાજપ એક નાટક ગૌરવ યાત્રાનું આયોજન કરવામાં આવ્યું છે ત્યારે ગુજરાતી સાણી અને સમજુ પ્રજા ભાજપને પૂછવા માંગે છે કે, તમે તમે સાનો ગૌરવ લઈને ગૌરવ યાત્રા કાઢી રહ્યા છો ? ગુજરાતમાં અને દેશમાં મોંઘવારી માજા મૂકી છે શું તેનું ગૌરવ લઈને યાત્રા કાઢો છો ? યુવાનો બેરોજગાર થઈને રખડી રહ્યા છે તેનું ગૌરવ લઈને યાત્રા કાઢો છો ? મોંઘા બિયારણો મોંઘા ડીઝલના કારણે ખેડૂતો આત્મહત્યા કરી રહ્યા છે તેના કારણે ગૌરવ લેવા નીકળ્યા છો? યુવાનોના પરીક્ષાના પેપર લીક થાય છે તેનું ગૌરવ લેવાની યાત્રા છે ? કાયદો અને વ્યવસ્થાની પરિસ્થિતિ ખાડે ગયેલ છે તેનું ગૌરવ લેવાની યાત્રા છે ?
ગુજરાતમાં મહિલાઓની સલામતી નથી તેનું ગૌરવ લેવાની યાત્રા છે? દેશનું અર્થતંત્ર પાડી ભાંગ્યું છે તેનું ગૌરવ લેવાની યાત્રા છે ? લોકતંત્રની સરેઆમ હત્યા થઈ રહેલ છે તેનું શું ગૌરવ લઈ રહ્યા છો? કોરોના સમયમાં દવાખાનાઓમાં દર્દીઓ દાખલ કરી શકતા ઓક્સિજન પૂરું પાડી નહોતા શકતા ઇન્જેક્શન પૂરા પાડી ન શકતા તેનું ગૌરવ લેવાની યાત્રા છે ? ચૂંટણી આવતા પ્રજાને ગુમરાહ કરવા ગૌરવ યાત્રા લઈને નીકળી ગયા છો ? ત્યારે થોડી તો શરમ કરો કે તમે પ્રજાના માટે શું સારા કામો કર્યા કે તમે ગૌરવ યાત્રા કાઢો છો તમારે તો ગુજરાતની પ્રજાની માફી યાત્રા કાઢવી જોઈએ કે તમે પ્રજાને મોંઘવારીના ખપ્પરમાંથી બહાર કાઢી નથી શક્યા તમે યુવાનોને રોજગાર પણ આપી શક્યા નથી તમે સ્પર્ધાત્મક પરીક્ષાના નામે કરોડો રૂપિયા ભેગા કરી પરીક્ષાના નાટકો તમારા આશીર્વાદથી જ પરીક્ષાના પેપરો ફોડવામાં આવે છે અને વિદ્યાર્થીઓને પરેશાની ભોગવવી પડે છે તે પરેશાનીમાંથી બહાર નથી લાવી શક્યા ખેડૂતોની આવક ડબલ કરવાનું વચન આપેલું પણ તે વચન પણ પૂરું કરી શક્યા નથી ત્યારે તમને શરમ થવી જોઈએ કે આવી યાત્રાઓ કાઢી પ્રજાના ટેક્સના પૈસાનો ગેરઉપયોગ કરી તમારી વાહ ભાઈ કરાવો છો અને વિધાનસભાની ૨૦૨૨ ની ચૂંટણીમાં પ્રજા ભાજપને ઘર ભેગી કરી દેશે તેમાં કોઈ શંકા નથી તેમ ગુજરાત પ્રદેશ માલધારી સેલના પૂર્વ ઉપપ્રમુખ રમેશભાઈ રબારીની પ્રેસ યાદી જણાવ્યુ છે
