મોરબી પાલિકાએ શ્રીજી એજન્સીને આપેલ કચરા ઉપડવાનો કોન્ટ્રાક્ટ પણ રદ કર્યો
Morbi Today
ટંકારાના શિક્ષકોએ નવી પેન્શન યોજનાના વિરોધમાં કાળી પટ્ટી પહેરી બ્લેક ડે મનાવ્યો
SHARE
JOIN OUR GROUP
ટંકારાના શિક્ષકોએ નવી પેન્શન યોજનાના વિરોધમાં કાળી પટ્ટી પહેરી બ્લેક ડે મનાવ્યો
ગુજરાત રાજ્યના તમામ કર્મચારી મંડળો તેમજ ગુજરાત રાજ્ય પ્રાથમિક શિક્ષક સંઘ દ્વારા જૂની પેન્શન યોજના ચાલુ કરવા માટે આજરોજ ૧ લી એપ્રિલને "કાળો દિવસ" તરીકે મનાવવાનું આહવાન કરવામાં આવ્યું હતું. જે અંતર્ગત મોરબી જિલ્લા પ્રાથમિક શિક્ષક સંઘની મળેલ સૂચના મુજબ તેમજ ટંકારા તાલુકા પ્રાથમિક શિક્ષક સંઘના આહવાનથી તાલુકાના શિક્ષકો તરફથી ખૂબ બહોળો પ્રતિસાદ જોવા મળ્યો હતો. જે બદલ ટંકારા તાલુકા પ્રાથમિક શિક્ષક સંઘના પ્રમુખ છાયાબેન માકાસણા, મહામંત્રી વિરમભાઈ દેસાઈ, ઉપપ્રમુખ કૌશિકભાઈ ઢેઢી તેમજ સંઘના આગેવાનોએ સૌ સારસ્વત મિત્રોનો આભાર માન્યો હતો તેમજ જૂની પેન્શન યોજના લાગુ કરવાની આ લડતમાં સફળતા મેળવવા માટે ગુજરાત રાજ્ય પ્રાથમિક શિક્ષક સંઘના બેનર હેઠળ લડતના આગામી કાર્યક્રમોમાં સૌને આવો જ પ્રતિસાદ આપવા માટે અપીલ કરી હતી.જો સરકાર દ્વારા નવી પેન્શન યોજનાને બદલે જૂની પેન્શન યોજના અમલમાં મુકવામાં નહિ આવે તો ગુજરાત રાજ્ય સંયુક્ત કર્મચારી મોરચો તેમજ ગુજરાત રાજ્ય પ્રાથમિક શિક્ષક સંઘના બેનર હેઠળ લડત માટેના અન્ય કાર્યક્રમો યોજવામાં આવશે તેવું ટંકારા તાલુકા પ્રાથમિક શિક્ષક સંઘના હોદ્દેદારોએ જણાવ્યું હતું.
