ટંકારાના ઘુનડા ગામે વાડીના કૂવામાંથી 40 કિલો કોપર વાયરની ચોરી
SHARE
JOIN OUR GROUP
ટંકારાના ઘુનડા ગામે વાડીના કૂવામાંથી 40 કિલો કોપર વાયરની ચોરી
ટંકારાના ઘુનડા ગામની સીમમાં આવેલ વાડીએ કૂવામાંથી પાણી ખેંચવા માટે મોટરમાં પટ્ટી કેબલ કોપર વાયરને ફીટ કરવામાં આવ્યો હતો તે 340 ફૂટ કેબલ વાયર જેનો કુલ વજન 40 કિલો અને કિંમત 12000 રૂપિયા થાય છે તેની અજાણ્યા શખ્સ દ્વારા ચોરી કરવામાં આવેલ છે જેથી હાલમાં ભોગ બનેલ ખેડૂત દ્વારા ટંકારા તાલુકા પોલીસ સ્ટેશન ખાતે ફરિયાદ નોંધાવવામાં આવતા પોલીસે ગુનો નોંધી આરોપીને પકડવા માટે તજવીજ શરૂ કરેલ છે
ટંકારા તાલુકાના ઘુનડા (સજનપર) ગામે રહેતા રમેશભાઈ ચતુરભાઈ ફુલતરીયા (58)એ હાલમાં ટંકારા તાલુકા પોલીસ સ્ટેશન ખાતે અજાણ્યા શખ્સની સામે ચોરીની ફરિયાદ આપેલ છે જેમાં તેને જણાવ્યુ છે કે, ઘુનડા ગામની સીમમાં અદેપરના માર્ગ બાજુ તેઓની વાડી પાસે ખુલ્લી જગ્યામાં કુવામાં રહેલ મોટરમાંથી પાણી ખેચવા માટે પટ્ટી કેબલનો કોપર વાયર ફીટ કરવામાં આવ્યો હતો જેમાંથી 340 ફૂટ જેટલો કોપર વાયર જેનો કુલ વજન 40 કિલો અને કિંમત 12,000 રૂપિયા થાય છે તે કોપર વાયરની ચોરી કરવામાં આવી છે જેથી કરીને હાલમાં ખેડૂતે નોંધાવેલ ફરિયાદ આધારે પોલીસે અજાણ્યા શખ્સ સામે ચોરીનો ગુનો નોંધીને આરોપીને પકડવા માટે તજવીજ શરૂ કરેલ છે
