મોરબી પાલિકાએ શ્રીજી એજન્સીને આપેલ કચરા ઉપડવાનો કોન્ટ્રાક્ટ પણ રદ કર્યો

મોરબી નગરપાલિકા દ્વારા શહેરના જુદાજુદા વિસ્તારોની અંદરથી કચરાના પોઈન્ટ ઉપરથી કચરો ઉપાડવા માટે શ્રીજી એજન્સીને કોન્ટ્રાક્ટ આપવામાં આવ્યો હતો જોકે, એજન્સી દ્વારા યોગ્ય રીતે કામગીરી કરવામાં આવતી ન હોવાના કારણે અગાઉ દંડ કરવામાં આવ્યો હતો તેમ છતાં પણ કામમાં કોઈ સુધારો કરવામાં આવેલ ન હતો જેથી કરીને હાલમાં મોરબી પાલિકાએ શ્રીજી એજન્સીને આપેલ કચરા ઉપડવાનો કોન્ટ્રાક્ટ પણ રદ કર્યો છે

મોરબી શહેરમાંથી કચરાનું કલેક્શન કરવા માટે અમદાવાદની શ્રીજી એજન્સીને કોન્ટ્રાક્ટ આપવામાં આવ્યો હતો અને આ એજન્સીને મોરબીના જુદા જુદા વિસ્તારોમાંથી કચરા કલેકશન માટેની કામગીરી આપવામાં આવી હતી તેની સાથોસાથ કચરાના પોઈન્ટ ઉપરથી પણ કચરા કાઢવા માટેનું કામ આપવામાં આવ્યું હતું જો કે, આ એજન્સી યોગ્ય રીતે શહેરના જુદાજુદા વિસ્તારમાંથી ડોર ટુ ડોર કચરા કલેકશનની કામગીરી કરતી ન હતી માટે તે કોન્ટ્રાક્ટને અગાઉ રદ કરવામાં આવ્યો હતી અને કચરાના પોઈન્ટ ઉપરથી કચરો ઉપાડવા માટે શ્રીજી એજન્સીને કોન્ટ્રાક્ટ આપવામાં આવ્યો હતો તેમાં પણ યોગી રીતે કામ થતું ન હતું જેથી કરીને અગાઉ તેને બે લાખનો દંડ કરવામાં આવેલ હતો તો પણ કામમાં કોઈ સુધારો નહિ આવતા હાલમાં કરારની શરત નંબર ૨૩ મુજબ ચીફ ઓફિસર દ્વારા તાત્કાલિક અસરથી કોન્ટ્રાક્ટ રદ કરવામાં આવેલ છે