મોરબી જિલ્લા પંચાયતની જેતપર બેઠકના સમરસ ગામના સરપંચોને મંત્રીના હસ્તે ચેક અર્પણ
Morbi Today
માળીયા(મિં)ના વવાણીયા ગામે જુગાર રમતા છ ઝડપાયા
SHARE
JOIN OUR GROUP
માળીયા(મિં)ના વવાણીયા ગામે જુગાર રમતા છ ઝડપાયા
માળીયા મિંયાણા તાલુકાના વવાણીયા ગામે મોટા કોળીવાસના મેઇન રોડ ઉપર જાહેરમાં જુગાર રમાતો હોવાની બાતમી મળી હતી જેના આધારે પોલીસે ત્યાં જુગારની રેડ કરી હતી ત્યારે છ શખ્સો ૫૦૩૦ રૂપિયાની રોકડ સાથે મળી આવ્યા હતા.જેથી પોલીસે તેઓની સામે જુગારધારા હેઠળ ગુનો નોંધી રાબેતા મુજબની કાર્યવાહી હાથ ધરી હતી.
જાણવા મળતી વિગત પ્રમાણે માળીયા તાલુકાના વવાણીયા ગામે મોટા કોળીવાસના મેઇન રોડ ઉપર જાહેરમાં જુગાર રમતા હોવાની બાતમી મળી હતી.જેથી માળિયા તાલુકા પોલીસની ટીમે ત્યાં રેડ કરી હતી ત્યારે સ્થળ ઉપરથી જુગાર રમતા માનસંગભાઈ મનુભાઈ કોળી, બચુભાઈ જગુભાઈ કોળી, બાબુભાઈ પોપટભાઈ સોમાણી, ઉકાભાઇ નાથાભાઈ મકવાણા, ભીમાભાઇ રામજીભાઇ રાઠોડ અને જેન્તીભાઈ ચંદુભાઈ સોમાણી જુગાર રમતા મળી આવ્યા હતા જેથી કરીને પોલીસે તેઓની પાસેથી ૫૦૩૦ રૂપિયાની રોકડ કબજે કરી હતી અને તેની સામે જુગારધારા હેઠળ ગુનો નોંધી રાબેતા મુજબની કાર્યવાહી હાથ ધરી હતી.
વાહન અકસ્માતમાં ઈજા
મોરબીના ભડીયાદ રોડ ઉપર આવેલ શ્રીમદ રાજચંદ્ર સોસાયટીમાં રહેતા પ્રભુલાલ જાદવજીભાઈ થોરીયા નામના ૭૨ વર્ષીય વૃદ્ધને સામાકાંઠે મહારાણા પ્રતાપ સર્કલ પાસે બાઇક સ્લીપ થતા વાહન અકસ્માતના બનાવમાં ઈજાઓ થઈ હતી જેથી કરીને તેઓને સારવાર માટે અહીંની ક્રિષ્ના હોસ્પિટલ ખાતે લાવવામાં આવ્યા હતા. જ્યારે ટંકારાના મહેન્દ્રપુર ગામે રહેતા પમીબેન પાલાભાઈ ચૌહાણ નામના ૪૪ વર્ષીય મહિલા સગાને ત્યાં બેસવા જતા હતા તે દરમિયાન રસ્તામાં બાઇકમાંથી નીચે પડી જતાં ઇજાગ્રસ્ત પમીબેન ચૌહાણને સારવાર માટે મોરબી ખસેડાયા હતા.
યુવાન સારવારમાં
મોરબી તાલુકાના વનાળીયા ગામનો રહેવાસી ભાવેશ મોમૈયાભાઈ કળોતરા નામનો ૨૭ વર્ષીય યુવાન વનાળીયાથી લાલપર તરફ જતો હતો ત્યારે રસ્તામાં કંડલા બાયપાસ ઉમા રિસોર્ટ પાસે તેનું બાઇક સ્લીપ થઇ જતાં ઇજાગ્રસ્ત ભાવેશ કળોતરાને સારવારમાં ખસેડાયો હતો.જ્યારે મોરબીના સામાકાંઠા આવેલ મહાવીર સોસાયટીમાં રહેતો ચેતન રામજીભાઈ સુરેજા નામનો ૪૦ વર્ષીય યુવાન હળવદ રોડ ઉપર નીચી માંડલ ગામ પાસેથી જતો હતો ત્યાં રસ્તામાં તેનું બાઇક પણ સ્લીપ થઈ જતાં ઇજાગ્રસ્ત ચેતનભાઇને પણ સારવારમાં ખસેડાયો હોય પોલીસે બંને બનાવોની નોંધ કરીને આગળની તપાસ હાથ ધરી છે.
