મોરબી રોટરી ક્લબ દ્વારા જીલ્લા ક્ષય કેન્દ્ર ખાતે ટીબીના દર્દીઓને પોષણ કીટનું વિતરણ કરાયું

"ટીબી મુક્ત ભારત અભિયાન "અંતર્ગત ટીબીના જરૂરિયાત મંદ દર્દીઓને પોષણયુક્ત ખોરાક મળી રહે તો તેને રોગમાંથી જલ્દીથી સ્વસ્થ થવામાં મદદ રૂપ થઈ શકે છે. જે અંતર્ગત સામાજીક, સેવાભાવી સંસ્થાઓ, સમાજ હિતચીંતકોમાં પણ ટીબી મુક્ત ભારત અને સ્વસ્થ ભારત બનાવવા માટેની ભાવના જોવા મળી રહી છે. અને ટીબીના દર્દીઓ પ્રત્યે સહાનુભૂતિ સાથે તેમને મદદરૂપ થઇ રહ્યા છે.

મોરબીમાં અનેક સેવાકાર્યો કરતી રોટરી ક્લબ ઓફ મોરબી સંસ્થા દ્વારા મોરબીની ટીબી હોસ્પિટલ ખાતે જઈને ત્યાં અત્યંત જરૂરિયાતમંદ ટીબીના 5 દર્દીઓને ટીબીની દવાની સાથે-સાથે દરરોજ પોષણ યુક્ત આહાર લઈ શકે તેવા ઉમદા હેતુથી પોષણ યુક્ત રાશન કીટ આપી હતી આ કાર્યક્રમમાં રોટરી ક્લબ ઓફ મોરબીના પ્રેસીડન્ટ હુસેફાભાઈ લાકડાવાલા, અમિતભાઈ પટેલ, સોનલબેન તથા અશોકભાઈ મહેતા હાજર રહ્યા હતા આ કાર્યક્રમને સફળ બનાવવા, જીલ્લા ક્ષય અધિકારી ડો. ધનસુખ અજાણા, ડીસ્ટ્રીકટ પ્રોગ્રામ કો-ઓર્ડિનેટર પિયુષભાઈ જોષી, હેલ્થ વિઝીટર કલ્પેશભાઈ પાટડિયાએ જહેમત ઉઠાવી હતી.