ટંકારાના હડમતીયા ગામ નજીક મેટાડોરના ચાલકે યુવાનના પગ ઉપરથી ટાયર ફેરવી દીધું

ટંકારાના હડમતીયા ગામથી આગળ પાલનપીરના મંદિર પાસેથી મેટાડોર લઈને પસાર થઈ રહેલા શખ્સે પોતાનું વાહન બેફિકરાયથી ચલાવ્યું હતું અને યુવાનના પગ ઉપરથી મેટાડોરનું પાછળનું ટાયર ફરી ગયું હતું જેથી યુવાનને ડાબા પગમાં ફ્રેક્ચર જેવી ગંભીર ઇજા થઈ હતી અને ઈજાગ્રસ્ત હાલતમાં તે યુવાનને સારવાર માટે હોસ્પિટલે લઇ ગયા હતા ત્યારબાદ યુવાનના બનેવીએ નોંધાવેલ ફરિયાદ આધારે પોલીસ આરોપીને પકડવા માટે તજવીજ શરૂ કરેલ છે

પડધરી તાલુકાના ન્યારા ગામે રહેતા આકાશભાઈ દિનેશભાઈ મકવાણા (26)એ હાલમાં ટાટા 407 નંબર જીજે 3 વાય 6521 ના સામે ટંકારા તાલુકા પોલીસ સ્ટેશન ખાતે ફરિયાદ નોંધાવી છે જેમાં જણાવ્યુ છે કે, ટંકારાના હડમતીયા ગામ નજીક પાલનપીરના મંદિર વાળા રોડ ઉપરથી આરોપીએ પોતાના હવાલા વાળું વાહન બેફિકરાયથી ચલાવ્યું હતું અને ફરિયાદીના સાળા કપિલભાઈના પગ ઉપરથી પાછળનું ટાયર ફેરવી દેતા તેને ડાબા પગમાં ફ્રેક્ચર જેવી ગંભીર ઇજા થઈ હતી જેથી કરીને ઈજાગ્રસ્ત હાલતમાં યુવાનને સારવાર માટે હોસ્પિટલે લઇ ગયા હતા અને આ બનાવ સંદર્ભે હાલમાં ઇજાગ્રસ્ત યુવાનના બનેવીએ નોંધાવેલ ફરિયાદ આધારે પોલીસે ગુનો નોંધી આરોપીને પકડવા માટે તજવીજ શરૂ કરેલ છે