માળીયા (મી)ના ખીરઈ ગામે રહેતા યુવાનને અગાઉ કરેલ ફરિયાદનો ખાર રાખીને ભડકે દેવાની ધમકી

માળીયા (મી) તાલુકાના ખીરઈ ગામે રહેતા યુવાને અગાઉ કરેલી ફરિયાદનો ખાર રાખીને આરોપીના દીકરાએ યુવાનને ફોન કરીને ગાળો આપી હતી તેમજ હથિયાર વડે ભડાકો કરીને જાનથી મારી નાખવાની ધમકી આપેલ છે જેથી ભોગ બનેલ યુવાન દ્વારા માળિયા મીયાણા તાલુકા પોલીસ સ્ટેશન ખાતે ફરિયાદ નોંધાવવામાં આવતા પોલીસે ગુનો નોંધી આરોપીને પકડવા માટે તજવીજ શરૂ કરેલ છે

માળીયા મીયાણા તાલુકાના ખીરઈ ગામે રહેતા સુલતાનભાઇ રહેમાનભાઈ સામતાણી (47)એ નાસીર રણમલ સામતાણી રહે. ખીરઇ વાળાની સામે માળિયા તાલુકા પોલીસ સ્ટેશન ખાતે ફરિયાદ નોંધાવી છે જેમાં તેને જણાવ્યુ છે કે, તે પોતે પંચવટી ગામના પાટીયા પાસે પાણીના ટાંકા નજીક હતા ત્યારે અગાઉ દોઢ મહિના પહેલા આરોપીના પિતા દિલાવરભાઈ સામતાણી સામે માળિયા તાલુકા પોલીસ સ્ટેશન ખાતે તેને ફરિયાદ નોંધાવી હતી જે બાબતનો ખાર રાખીને આરોપીએ ફરિયાદીને ફોન કર્યો હતો અને ગાળો આપી હતી તેમજ હથિયાર વડે ભડાકો કરીને જાનથી મારી નાખવાની ધમકી આપી હતી જેથી ભોગ બનેલા યુવાન દ્વારા હાલમાં માળિયા મીયાણા તાલુકા પોલીસ સ્ટેશન ખાતે ફરિયાદ નોંધાવવામાં આવતા પોલીસે ગુનો નોંધે આરોપીને પકડવા માટે તજવીજ શરૂ કરેલ છે