માળીયા (મી) તાલુકાનાં દારૂના જુદાજુદા બે ગુનામાં નાસતા ફરતા બે આરોપી પકડાયા

માળીયા મીયાણા તાલુકા પોલીસ સ્ટેશન ખાતે નોંધાયેલા દારૂના જુદા જુદા બે ગુનામાં નાસતા ફરતા આરોપીને પકડવા માટેની તજવીજ ચાલી રહી હતી દરમિયાન એલસીબીની ટીમ દ્વારા એક આરોપીને મોરબીમાં નટરાજ ફાટક પાસેથી તથા બીજા આરોપીને માળિયા મીયાણાની ભીમાસર ચોકડી પાસેથી દબોચી લેવામાં આવેલ છે અને બંને આરોપીઓને માળિયા તાલુકા પોલીસ સ્ટેશન ખાતે સોંપી દેવામાં આવ્યા છે

સરહદી રેન્જ ભુજના આઈજી દ્વારા જિલ્લાના નાસતા ફરતા આરોપીઓને પકડવા માટે સ્પેશ્યલ ડ્રાઇવનું આયોજન કરવામાં આવ્યું છે અને તે દરમિયાન મોરબી જિલ્લા એલસીબીના પીઆઈ એસ.પી.જાડેજાની સૂચના હેઠળ સ્ટાફ દ્વારા જુદા જુદા ગુનામાં નાસતા ફરતા આરોપીઓને પકડવા માટેની તજવીજ કરવામાં આવી રહી છે દરમિયાન ટેકનિકલ અને હ્યુમન સોર્સિસ તથા ખાનગી બાતમીદારો પાસેથી મળતી માહિતી આધારે આરોપીઓને પકડવા માટેની તજવીજ કરવામાં આવી છે તેવામાં માળીયા મિયાણાં તાલુકા પોલીસ સ્ટેશન ખાતે દારૂના ગુનામાં નાસતા ફરતા આરોપી મનસુખભાઈ હન્નાભાઈ ચાવડા (26) રહે. ઇન્દિરાનગર મોરબી વાળાને નટરાજ ફાટક પાસેથી પકડવામાં આવેલ છે અને દારૂના ગુનામાં નાસતા ફરતા આરોપી મહેન્દ્રસિંહ જીતુભાઈ ગોહિલ (30) રહે. મૂળ ભારોલી તાલુકો તળાજા હાલ રહે. માણાબા તાલુકો માળીયા મીયાણા વાળાને ભીમાસર ચોકડી પાસેથી પકડવામાં આવેલ છે અને બંને આરોપીઓને માળીયા મિયાણા તાલુકા પોલીસ સ્ટેશન ખાતે સોંપવામાં આવેલ છે