મોરબીમાં બગથળા સોશ્યલ ગૃપ દ્વારા સ્નેહમિલન, ઈનામ વિતરણ અને સાંસ્ક્રુતિક કાર્યક્રમનું આયોજન
Morbi Today
મોરબીમાં ત્રાજપર ચાર રસ્તા પાસેથી ચોરી કરેલ બાઇક સાથે જામનગરના એક શખ્સની ધરપકડ
SHARE
JOIN OUR GROUP
મોરબીમાં ત્રાજપર ચાર રસ્તા પાસેથી ચોરી કરેલ બાઇક સાથે જામનગરના એક શખ્સની ધરપકડ
મોરબીના સામાકાંઠા વિસ્તારમાં આવેલ ત્રાજપર ચાર રસ્તા પાસે યુવાને બાઈક પાર્ક કરીને મૂક્યું હતું જે બાઈકની કોઈ અજાણ્યા શખ્સ દ્વારા ચોરી કરવામાં આવી હતી જેથી ભોગ બનેલા યુવાન દ્વારા ૨૦,૦૦૦ રૂપિયાની કિંમતના બાઈકની ચોરી થઈ હોવા અંગેની મોરબી બી ડિવિઝન પોલીસ સ્ટેશન ખાતે ફરિયાદ નોંધાવી હતી જેના આધારે પોલીસે આરોપીને પકડવા માટે ચક્રોગતિમાન કરેલ હતા અને એલસીબીની ટીમે જામનગરમાંથી આ ચોરાઉ બાઇક સાથે એક આરોપીની ધરપકડ કરેલ છે
જાણવા મળતી માહિતી મુજબ મોરબીના રવાપર રોડ ઉપર ક્રિષ્ના સ્કૂલની બાજુમાં આવેલ સતનામ બી-૧૦૧ ખાતે રહેતા ડેનિશભાઈ મનસુખભાઈ સાપરિયા જાતે પટેલ (૪૨) એ મોરબી બી ડિવિઝન પોલીસ સ્ટેશન ખાતે ચોરીની ફરિયાદ નોંધાવેલ છે જેમાં તેને જણાવ્યુ છે કે, ત્રાજપર ચાર રસ્તા પાસે તેણે પોતાનું બાઈક નંબર જીજે ૩૬ એમ ૦૧૧૯ પાર્ક કરીને મૂક્યું હતું જે બાઈકની કોઈ અજાણ્યા શખ્સ દ્વારા ચોરી કરવામાં આવેલ છે જેથી ૨૦,૦૦૦ ની કિંમતના બાઈકની ચોરી થઈ હોવા અંગેની તેણે મોરબી બી ડિવિઝન પોલીસ સ્ટેશન ખાતે ફરિયાદ નોંધાવી હતી જેના આધારે પોલીસે ગુનો નોંધી આરોપીને પકડવા માટે તજવીજ શરૂ કરી હતી દરમ્યાન એલસીબીની ટીમને મળેલ બાતમી આધારે આરોપી અનિલ કિશોરભાઇ હળવદીયા રહે. શંકર ટેકરી આશાપુરા મંદિર પાછળ, દિગ્વીજયપ્લોટ, જામનગર વાળાની તેના ઘરેથી ચોરાઉ બાઈક સાથે ધરપકડ કરવામાં આવેલ છે અને તેની પૂછપરછમાં આ બાઈકની તેને જ ચોરી કરી હોવાની કબૂલાત તેને આપેલ છે જેથી કરીને એક્સિબીની ટીમે બાઇક અને આરોપીનો કબજો હાલમાં મોરબી બી ડિવિઝન પોલીસને આપેલ છે અને સ્થાનિક પોલીસે આગળની કાર્યવાહી કરેલ છે
