દેશના સીમાડાઓની રક્ષા કરતા આર્મીમેનો પ્રત્યે દેશના લોકોને અધિક પ્રેમ હોય છે અને તે સમયાંતરે જોવા મળતો હોય છે તેવી રીતે જ મોરબીના સામાકાંઠા વિસ્તારમાં આવેલ સોસાયટીમાં રહેતા અને ૧૫ વર્ષ જેટલો સમય આર્મીમાં નોકરી કર્યા બાદ સેવા નિવૃત થયેલા આર્મીમેનને વાજતે ગાજતે ઘોડે બેસાડીને સ્વાગત કરવામાં આવ્યું હતું.આ સમયે મોટી સંખ્યામાં લોકો ઉપસ્થિત રહ્યા હતા.ભારતીય સેનામાં ૧૫ વર્ષથી વધુ સમય સુધી નોકરી કરીને સેવા નિવૃત્ત થનાર આર્મીમેનનું મોરબીના સામાકાંઠે ઉમા ટાઉનશીપની પાસે આવેલી હરીપાર્ક સોસાયટી ખાતે ત્યાંના રહેવાસીઓ દ્વારા સ્વાગત કરવામાં આવ્યું હતું અને તેમને ફુલડે વધાવી તેમજ ઘોડે બેસાડીને તેમનું સન્માન કર્યું હતું.