મોરબીમાંથી સગીરાનું અપહરણ કરીને દુષ્કર્મ આચરી ગર્ભવતી બનાવનાર આરોપીને ૨૦ વર્ષની સજા

મોરબીના સામાકાંઠા વિસ્તારમાંથી વતનમાં જય રહેલા પરિવારની સગીર વયની દીકરીનું અપહરણ કરવામાં આવ્યું હતું અને તેની સાથે દુષ્કર્મ આચરવામાં આવ્યું હતું જેથી તે ગર્ભવતી બની હતી જેની ફરિયાદ આધારે પોલીસે આરોપીની ધરપકડ કરી હતી અને તે કેસ મોરબી સ્પેશ્યલ પોક્સો કોર્ટેમાં ચાલી જતાં કોર્ટે આરોપીને ૨૦ વર્ષની સજા અને ૩૨ હજારનો દંડ કર્યો છે

મૂળ મધ્યપ્રદેશના રહેવાસી અને મોરબી તાલુકામાં મજૂરી કરવામાં આવેલ આવેલ પરિવાર તેના વતનમાં જઈ રહયો હતો ત્યારે આ શ્રમિક પરિવારની સગીર વયની દીકરીનું મોરબીમાંથી અપહરણ કરવામાં આવ્યું હતું અને ધર્મેન્દ્ર પુનમસિંગ મેડા નામના શખ્સે તેને અલગ અલગ સ્થળોએ લઇ જઈને તેની સાથે દુષ્કર્મ આચર્યું હતું જેથી સગીરા ગર્ભવતી બની હતી અને આ બનાવ સંદર્ભે સગીરાના પરિવારજને નોંધાવેલ ફરિયાદ આધારે પોલીસે આરોપીને પકડી લીધો હતો અને આ કેસ મોરબી સ્પેશ્યલ પોક્સો કોર્ટમાં ચાલી ગયો હતો જેમાં મદદનીશ સરકારી વકીલ સંજયભાઈ સી. દવે અને નીરજભાઈ ડી. કારીઆએ કરેલ દલીલ તેમજ ૧૨ મૌખિક અને ૩૩ દસ્તાવેજી પુરાવા ધ્યાને લઈને કોર્ટે આરોપી ધર્મેન્દ્ર પુનમસિંગ મેડાને કુલ મળીને ૨૦ વર્ષની સજા અને ૩૨૦૦૦ નો દંડ કરેલ છે તેમજ ભોગ બનેલ સગીરાને ધી વિકટીમ કમ્પેનસેશન સ્કીમ મુજબ રૂપિયા ત્રણ લાખનું વળતર અને આરોપી દંડની રકમ ભારે તો તે ૩૨,૦૦૦ ભરે તો રકમ પણ સગીરાને આપવા માટે હુકમ કરેલ છે