મોરબી પાલિકા ઉપર કોઈ પણ ભારણ વગર સિટી બસ શરૂ કરાવતા ધારાસભ્ય કાંતિભાઈ અમૃતિયા

મોરબીના ધારાસભ્ય કાંતિભાઈ અમૃતિયા દ્વારા મોરબીના લોકો માટે સિટી બસની સેવાને શરૂ કરવામાં આવી છે અને સૌથી મોટી વાતે છે કે આ સેવા શરૂ થવા છતાં પણ પાલિકા ઉપર તેનું કોઈ પણ પ્રકારનું ભારણ આવશે નહીં અને સરકારમાંથી જે ગ્રાન્ટ આવશે તેના આધારે કોન્ટ્રાકટરને રૂપિયા આપવામાં આવશે

મોરબી પાલિકા દ્વારા ૧૧ સીટી બસોને ધારાસભ્ય કાંતિભાઈ અમૃતિયાએ લીલીઝંડી આપીને શરૂ કરાવી છે ત્યારે શહેર ભાજપ પ્રમુખ લાખાભાઈ જારીયા, મહામંત્રી રિશીપ કૈલા અને ભાવેશભાઈ કંઝારિયા, મેઘરાજસિંહ ઝાલા, નરેન્દ્રભાઈ પોપટ સહિતના આગેવાનોની હાજર હતા  સીટી બસ શહેરના અલગ અલગ વિસ્તારમાં દોડશે. અને તેનું ભાડું પાંચ અને દસ રૂપિયા રાખવામા આવેલ છે જે રીક્ષાના ભાડા કરતાં પણ સસ્તું છે. મોરબીથી લજાઈ, ઘુનડા, નાની વાવડી, રફાળેશ્વર, લીલાપર સહિતના વિસ્તારમાં જવા માટે લોકોને આ સિટી બસનો લાભ મળશે