ટંકારા નજીક કલ્યાણપરના પાટીયા પાસેથી ટ્રક ચાલકે બાઈકને હડફેટે લેતા ઇજા પામેલા આધેડનું મોત
Morbi Today
મોરબીના મહેન્દ્રનગર ગામે રહેતો યુવાન રણમલપુર-એંજાર વચ્ચે કેનાલ પાસે દવા પી જતાં સારવારમાં
SHARE
JOIN OUR GROUP
મોરબીના મહેન્દ્રનગર ગામે રહેતો યુવાન રણમલપુર-એંજાર વચ્ચે કેનાલ પાસે દવા પી જતાં સારવારમાં
મોરબી નજીકના મહેન્દ્રનગર ગામે ખાનગી શાળાની બાજુમાં રહેતો યુવાન હળવદ તાલુકાના રણમલપુર અને એંજાર ગામ વચ્ચેથી પસાર થતી નર્મદાની કેનાલ પાસે દવા પી ગયો હતો જેથી કરીને તેને તાત્કાલિક સારવાર માટે મોરબીની ખાનગી હોસ્પિટલ ખાતે લઈને આવ્યા હતા અને ત્યાં તેને સારવાર આપ્યા બાદ આ બનાવની મોરબી બી ડિવિઝન પોલીસને જાણ કરવામાં આવતા પોલીસે બનાવની નોંધ કરીને આગળની રાબેતા મુજબની કાર્યવાહી હાથ ધરી છે
જાણવા મળતી વિગત પ્રમાણે મોરબી નજીકના મહેન્દ્રનગર ગામે સારથી સ્કૂલની બાજુમાં રહેતા ભુપેન્દ્રભાઈ જસમતભાઈ પટેલ (૪૦) નામનો યુવાન હળવદ તાલુકાના રણમલપુર અને એંજાર ગામ વચ્ચેથી પસાર થતી નર્મદાની કેનાલ પાસે હતો ત્યારે ત્યાં કોઈ કારણોસર દવા પી ગયો હતો જેથી કરીને તેને તાત્કાલિક સારવાર માટે મોરબી શહેરમાં સામાકાંઠા વિસ્તારમાં આવેલ શિવમ હોસ્પિટલ ખાતે લઈને આવ્યા હતા અને ત્યાં તેને સારવાર આપ્યા બાદ આ બનાવની પ્રથમ મોરબી બી ડિવિઝન પોલીસને જાણ કરવામાં આવતા પોલીસે બનાવવી નોંધ કરી આગળની કાર્યવાહી હાથ ધરી હતી અને આ બનાવ હળવદ તાલુકા પોલીસ સ્ટેશનની હદમાં બનેલો હોવાથી ત્યાં આ બનાવની જાણ કરવા માટેની કવાયત કરવામાં આવી છે
બાઈક સ્લીપ
મોરબી તાલુકાના રોટરીનગર ગામે રહેતા ભંખોડીયા જયંતીલાલ કલાભાઈ (૫૧) નામના આધેડ મોરબી વાંકાનેર હાઇવે ઉપર આવેલ લાલપર ગામ પાસેથી પોતાનું બાઈક લઈને પસાર થઈ રહ્યા હતા ત્યારે અકસ્માતે તેનું બાઈક સ્લીપ થઈ ગયું હતું જેથી કરીને અકસ્માતનો બનાવ બન્યો હતો અને તેમાં જયંતીલાલને ઇજાઓ થઈ હોવાથી મોરબીની ખાનગી હોસ્પિટલમાં સારવાર માટે લઈને આવ્યા હતા અને ત્યાં તેને સારવાર આપ્યા બાદ આ બનાવની હોસ્પિટલ મારફતે મોરબી તાલુકા પોલીસને જાણ કરવામાં આવતા પોલીસે બનાવી નોંધ કરી આગળની કાર્યવાહી હાથ ધરી છે
મારામારીમાં ઇજા
મોરબીના વિસીપરા વિસ્તારમાં રહેતા નરેશભાઈ દેવજીભાઈ વસિયા (૨૯) નામના યુવાનને તેના ઘરે થયેલ મારામારીના બનાવમાં ઈજા થઈ હતી જેથી કરીને ઇજા પામેલા હાલતમાં તે યુવાનને સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને ત્યાં તેને સારવાર આપ્યા બાદ આ બનાવની હોસ્પિટલ મારફતે મોરબી સીટી બી ડિવિઝન પોલીસને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી હતી
