મોરબીમાં સોશ્યલ મીડિયામાં હથિયાર સાથેનો ફોટો મૂકવાના ગુનામાં વધુ એક આરોપીની ધરપકડ

મોરબીના લાતી પ્લોટ વિસ્તારમાં રહેતા શખ્સ પાસે હથિયાર પરવાનો ન હોવા છતાં પણ હથિયાર સાથેનો ફોટો તેના ફેસબુક એકાઉન્ટમાં અપલોડ કર્યો હતો જેથી કરીને ફોટો અપલોડ કરનાર તથા પરવાના વાળું હથિયાર ફોટો પાડવા માટે આપનાર સહિત બે શખ્સની સામે મોરબી સીટી એ ડિવિઝન પોલીસ સ્ટેશન ખાતે ગુનો નોંધાવામાં આવ્યો હતો જેમાં હાલમાં ફોટો પાડવા માટે હથિયાર આપનાર શખ્સની ધરપકડ કરેલ છે

જાણવા મળતી વિગત પ્રમાણે મોરબી શહેરના લાતી પ્લોટ શેરી નં-૧૧ માં રહેતા અને મજૂરી કામ કરતા રફીકભાઈ જુસબભાઇ મોવર જાતે મિયાણા (૩૭)એ પોતાના ફેસબુક એકાઉન્ટ રફીક મોવર ઉપર બંદૂક સાથેનો ફોટો અપલોડ કર્યો હતો અને તેની પાસે લાઇસન્સ કે હથિયાર પરવાનો ન હોવાની માહિતી સામે આવી હતી જેથી સમાજમાં ભય ઊભો કરવા માટે થઈને હથિયાર સાથેનો ફોટો તેણે ફેસબુકમાં અપલોડ કર્યો હોય પોલીસે ફેસબુકમાં ફોટો અપલોડ કરનાર રફિકભાઈ જુસબભાઈ મોવરની અગાઉ ધરપકડ કરેલ હતી અને તેને ફોટો પાડવા માટે બારબોરની બંદૂક આપનાર હથિયાર પરવાનેદાર અલીમામદ જુમાભાઇ ચાવડાને પકડવાનો બાકી હતો જેને હાલમાં પોલીસે ઝડપી લીધેલ છે અને આરોપી અલીમામદ જુમાભાઇ ચાવડા (૪૯) રહે. જુની માર્કેટ પાછળ કબ્રસ્તાન નજીક અંજાર વાળાની ધરપકડ કરીને આગળની કાર્યવાહી કરેલ છે