મોરબીના બહાદુરગઢ ગામના પાટીયા પાસે કારખાનાની છત ઉપરથી નીચે પડતાં શ્રમિક યુવાનનું મોત
SHARE
JOIN OUR GROUP
મોરબીના બહાદુરગઢ ગામના પાટીયા પાસે કારખાનાની છત ઉપરથી નીચે પડતાં શ્રમિક યુવાનનું મોત
મોરબી માળિયા હાઇવે ઉપર આવેલ બહાદુરગઢ ગામના પાટીયા પાસે કારખાનાની છત ઉપરથી નીચે પટકાતા ગંભીર ઈજા થવાથી યુવાનનું મોત નીપજયું હતું જેથી મૃતક યુવાનના મૃતદેહને પીએમ માટે મોરબીની સરકારી હોસ્પિટલ ખાતે લઈને આવ્યા હતા અને આ બનાવની હોસ્પિટલ મારફતે મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી છે
બનાવની જાણવા મળતી માહિતી પ્રમાણે મોરબી માળિયા હાઇવે ઉપર આવેલ બાદરગઢ ગામના પાટીયા પાસે નેકસ્ટો માઈક્રોન નામના કારખાનામાં રહેતો અને ત્યાં મજૂરીકામ કરતો દાનાભાઈ વીરાભાઇ ચેતરીયા (૩૮) નામનો યુવાન કારખાનાની છત ઉપરથી નીચે પડી ગયો હતો જેથી કરીને તેને શરીરે ગંભીર ઇજા થઈ હોવાથી તેનું મોત નીપજ્યું હતું ત્યારબાદ તેના મૃતદેહને મોરબી સિવિલ હોસ્પિટલ ખાતે લઈને આવ્યા હતા અને આ બનાવની મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી છે અને આ બનાવની આગળની વધુ તપાસ મોરબી તાલુકા પોલીસ સ્ટેશનના જે.બી. પરમાર ચલાવી રહ્યા છે
માર માર્યો
મોરબીના રવાપર રોડ ઉપર આવેલ કાલિકા પ્લોટ વિસ્તારમાં રહેતા જેતુનબેન ગુલામશબ્બીર માલાણી (૪૫) નામની મહિલાને માર મારવામાં આવ્યો હોવાથી ઇજાગ્રસ્ત મહિલાને સારવાર માટે મોરબી સિવિલ હોસ્પિટલ ખાતે લઈને આવ્યા હતા અને આ બનાવવામાં ઇજા પામેલ મહિલાને સારવાર આપ્યા બાદ આ બનાવવાની એ ડિવિઝન પોલીસને જાણ કરવામાં આવતા પોલીસે આગળની કાર્યવાહી હાથ ધરી હતી અને વધુમાં પોલીસ પાસેથી જાણવા મળતી માહિતી મુજબ મહિલાને તેના મોટા બાપુના ઘરે મારવામાં આવ્યો હતો જેથી કરીને ઈજા પામેલ મહિલાને સારવાર માટે લઈને આવ્યા છે આ બનાવની વધુ તપાસ એચ.એમ. મકવાણા ચલાવી રહ્યા છે
અકસ્માતમાં ઇજા
મોરબી શહેરના વજેપર વિસ્તાર પાસે આવેલ મેઘાણીની વાડીમાં તેજસ પ્રભુભાઈ ચાવડા (૧૧) નામનો બાળક રમતો હતો ત્યારે અજાણ્યા બાઇક ચાલકે તેને હડફેટે લીધો હતો જેથી કરીને અકસ્માતો બનાવ બનેલ હતો અને તેમાં તેજસ ચાવડાને ઈજા થઈ હતી જેથી ઈજા પામેલા બાળકને સારવાર માટે ખાનગી હોસ્પિટલમાં લઈને આવ્યા હતા અને ત્યાં તેને સારવાર આપ્યા બાદ અકસ્માતના આ બનાવની મોરબી એ ડિવિઝન પોલીસને જાણ કરવામાં આવતા પોલીસે આગળની કાર્યવાહી હાથ ધરી છે અને આ બનાવની આગળ વધુ તપાસ એ ડિવિઝન પોલીસ સ્ટેશનના હરેશભાઈ ચાવડા ચલાવી રહ્યા છે
