મોરબી જિલ્લામાં પીજીવીસીએલની ટીમોએ પાંચ દિવસમાં ૯૨ લાખની વીજચોરી પકડી

મોરબી જિલ્લામાં છેલ્લા પાંચ દિવસથી વીજ ચોરી પકડવા માટે ઝુંબેશ ચલાવવામાં આવી રહી હતી જેના ભાગરૂપે મોરબી જિલ્લામાંથી પીજીવીસીએલની ટીમોએ ૯૨ લાખથી વધુની વીજચોરી પકડી પાડી હતી.જેથી કરીને વીજ ચોરી કરનારાઓમાં ફફડાટ વ્યાપી ગયો છે.

મોરબી જીલ્લામાં તા ૮ થી ૧૨ એમ કુલ મળીને પાંચ દિવસ સુધી પીજીવીસીએલ દ્વારા વિજ ચોરીને પકડવા માટે તજવીજ કરવામાં આવી હતી અને ત્યારે મોરબી, માળીયા, ટંકારા, વાંકાનેર અને હળવદ તાલુકામાં ચેકિંગ કરવામાં અવાયું હતું ત્યારે સામૂહિક વીજચેકિંગ ડ્રાઈવમાં વીજ કંપનીની ટીમોની સાથે એસ.આર.પી. તથા પોલીસ સ્ટાફને પણ રાખવામા આવ્યો હતો અને જુદાજુદા કુલ ૩૪ ઈજનેરોની ટીમોએ ચેકિંગ કર્યું હતું જેમાં જામનગર, ભુજ, અંજાર તથા મોરબીના અધિકારીઓનો સમાવેશ થાય છે આ ચેકિંગ ઝુંબેશમાં રહેણાંકના ૭૨૧, વાણિજ્યિક હેતુના ૧૯૫ આમ કુલ મળીને ૯૧૬ વીજ કનેક્શન ચેક કર્યા હતા ત્યારે રહેણાંકના ૧૬૪ તથા વાણિજ્યિક હેતુના ૪૪ એટ્લે કે, કુલ ૨૦૮ વીજ કનેક્શનમાં ગેરરીતિ સામે આવી હતી જેથી કરીને આસામીઓને કુલ ૯૨.૨ લાખનો દંડ કરવામાં આવેલ છે જેથી કરીને વીજ ચોરી કરનારાઓમાં ફફડાટ વ્યાપી ગયો છે.