મોરબી, માળિયા અને ટંકારામાં ૨૩ ટીમો દ્વારા વીજ ચેકિંગ: ૭૪ કનેક્શન ધારકોને ૩૬.૫૦ લાખનો દંડ
SHARE
JOIN OUR GROUP
મોરબી, માળિયા અને ટંકારામાં ૨૩ ટીમો દ્વારા વીજ ચેકિંગ: ૭૪ કનેક્શન ધારકોને ૩૬.૫૦ લાખનો દંડ
મોરબી જિલ્લાના જુદા જુદા વિસ્તારમાં પીજીવીસીએલના અધિકારીઓને કર્મચારીઓ દ્વારા સમયાંતરે વીજ ચેકિંગ કરવામાં આવતું હોય છે તેવી જ રીતે છેલ્લા બે દિવસમાં મોરબી, માળિયા અને ટંકારામાં જુદી જુદી જગ્યાએ વીજ ચેકિંગ કરવામાં આવ્યું હતું ત્યારે ૭૪ વીજ કનેક્શનમાં ગેરરીતિ સામે આવી હતી જેથી કરીને વીજ કનેક્શન ધારકોને ૩૬.૫૦ લાખથી વધુનો દંડ કરવામાં આવ્યો છે
મોરબી જિલ્લામાં વીજ કંપનીના અધિકારીઓ દ્વારા વિજ ચેકિંગની ખાસ ઝુંબેશ શરૂ કરવામાં આવી છે જેના ભાગરૂપે છેલ્લા બે દિવસથી મોરબી, માળિયા અને ટંકારામાં વીજ ચેકિંગ કરવામાં આવી રહ્યું છે અને ૨૩ જેટલી ટીમો દ્વારા જુદા જુદા વિસ્તારમાં જઈને લોકોના વીજ કનેક્શનનો ચેક કરવામાં આવી રહ્યા છે ત્યારે અધિકારી સૂત્રો પાસેથી જાણવા મળતી માહિતી પ્રમાણે છેલ્લા બે દિવસમાં મોરબી, માળિયા અને ટંકારામાં કુલ મળીને ૪૩૦ જેટલા વીજ કનેક્શનને વીજ કંપનીના અધિકારી અને કર્મચારીઓ દ્વારા ચેક કરવામાં આવી છે જેમાં કુલ મળીને ૭૪ વીજ કનેક્શનમાં ગેરરીતિ સામે આવી છે અને જે વીજ કનેક્શન ધારકો દ્વારા વીજ ચોરી કરવામાં આવતી હોય તેવું સામે આવ્યું હતું તેની પાસેથી કુલ મળીને ૩૬.૫૦ લાખનો દંડ વસૂલ કરવા માટેના બિલ હાલમાં આપવામાં આવ્યા છે અને આ વીજ ચેકિંગ ઝુંબેશ હજુ પણ ચાલુ રહેશે તેવું પણ અધિકારીએ જણાવ્યું છે
