મોરબીમાં સગીરાને ફોટા વાઇરલ કરવાની ધમકી આપીને દુષ્કર્મ આચારનાર વિધર્મી શખ્સની ધરપકડ
Morbi Today
મોરબીમાં ખભો અથડાતાં યુવાનને છરીના પાંચ ઘા ઝીકવાના ગુનામાં ત્રણ પૈકીના બે આરોપીની ધરપકડ
SHARE
JOIN OUR GROUP
મોરબીમાં ખભો અથડાતાં યુવાનને છરીના પાંચ ઘા ઝીકવાના ગુનામાં ત્રણ પૈકીના બે આરોપીની ધરપકડ
મોરબીના નાનીવાવડી નજીક આવેલ દેવ ફન વર્લ્ડમાં ચાલીને જતા સમયે યુવાનનો ખભો અથડાયો હતો જે વાતમાં યુવાનને ચારથી પાંચ જેટલા છરીના ઘા ઝીકિ દીધા હતા જેથી યુવાનને સારવારમાં ખસેડાયો હતો અને બાદમાં તેણે મોરબી તાલુકા પોલીસ સ્ટેશન ખાતે ત્રણ શખ્સોની સામે ફરિયાદ નોંધાવી હતી જેના આધારે પોલીસે મુખ્ય સૂત્રધાર સહિત બે આરોપીની ધરપકડ કરીને આગળની કાર્યવાહી કરેલ છે
જાણવા મળતી વિગત પ્રમાણે માળિયા મીયાણા તાલુકાના નવાગામ ખાતે રહેતા રમજાનભાઈ મુરાદભાઈ કટિયા જાતે મિયાણા (૨૧) એ માળીયા મીયાણા ખાતે રહેતા ઈરફાન સંધવાણી અને તેની સાથે રહેલા શખ્સોની સામે મોરબી તાલુકા પોલીસ સ્ટેશને ફરિયાદ નોંધાવી હતી જેના આધારે પોલીસે આરોપીને પકડવા માટે તજવીજ શરૂ કરી હતી અને યુવાને ફરિયાદમાં લખાવ્યું હતું કે, રમજાન ઈદનો તહેવાર હોવાથી તે મોરબી નજીકના નાની વાવડી પાસે આવેલ દેવ ફન વર્લ્ડ ખાતે ફરવા માટે આવ્યો હતો ત્યારે બહાર નીકળતો હતો તે સમયે આરોપી ઈરફાન સંધવાણી સાથે ખંભો અથડાતાં તેને ઇરફાન સંધવાણીએ ગાળો આપી હતી ત્યારે ફરિયાદીએ ગાળો આપવાની ના પાડતા ઉશ્કેરાઈ ગયેલા ઇરફાન સંધવાણીએ પોતાની પાસે રહેલ છરી વડે તેને ખભાના ભાગે છરીનો એક ઘા મારી નીચે પાડી દીધો હતો અને તેની સાથે રહેલા બે શખ્સોએ તેને ઢીકાપાટુનો માર માર્યો હતો તેમજ બે શખ્સોએ તેને પકડી રાખતા આરોપી ઈરફાન સંધવાણીએ પેટ અને પીઠના ભાગે વધુ ચાર છરીના ઘા માર્યા હતા જેથી ઈજા પામેલા યુવાનને સારવાર લીધા બાદ નોંધાવેલ ફરિયાદ આધારે મોરબી તાલુકા પોલીસ સ્ટેશનના પીએસઆઈ એસ.એન. સગારકા અને રાઇટર વિજયભાઈ સવસેટા દ્વારા આરોપી ઈરફાન સબબીરભાઈ સંધવાણી જાતે મિયાણા (૨૧) રહે. માળીયા અને સમીર અબ્રાહમ કટિયા (૨૮) રહે. સાંજરી પાન સામે માળીયા વાળાની ધરપકડ કરેલ છે
