મોરબીના પ્રેમજીનગર પાસે યુવાને પોતાની જાતે પોતાના હાથ ઉપર બ્લેડ વડે છેકા મારી લેતા સારવારમાં
Morbi Today
મોરબીના સામાકાંઠા વિસ્તારમાં રહેતા પરિવારની સગીરવયની દીકરીનું અપહરણ
SHARE
JOIN OUR GROUP
મોરબીના સામાકાંઠા વિસ્તારમાં રહેતા પરિવારની સગીરવયની દીકરીનું અપહરણ
મોરબીના સામાકાંઠા વિસ્તારમાં રહેતા પરિવારની દીકરીને લલચાવી ફોસલાવીને બદકામ કરવાના ઇરાદે વાલીપણામાંથી ઉઠાવી જવામાં આવતા ભોગ બનેલ પરિવાર દ્વારા ફરિયાદ નોંધાવવામાં આવી હોય હાલ પોલીસ દ્વારા અપહરણનો ગુનો નોંધીને આરોપીને પકડી પાડવા અને સગીરાને શોધી કાઢવા આગળની તપાસ કરવામાં આવી રહી હોવાનું જાણવા મળેલ છે.
મોરબી સીટી બી ડિવિઝન પોલીસ વિસ્તારમાં આવેલ સામાકાંઠાના રહેણાંક વિસ્તારમાં રહેતા એક પરિવારની સગીર વયની દીકરીને લલચાવી ફોસલાવીને બદકામ કરવાના ઇરાદે ગત તા.૫-૪ ના સાંજના સાડા છએક વાગ્યાના અરસામાં વાલીપણામાંથી અપહરણ કરી જવામાં આવેલ હોય ભોગ બનેલ સગીરાના પિતા દ્વારા હાલમાં ફરિયાદ નોંધાવવામાં આવતા બી ડિવિઝન પીઆઈ પી.એ.દેકાવાડીયા દ્વારા કલમ ૩૬૩, ૩૬૬ અને પોકસો એકટ મુજબ ગુનો નોંધ્યો છે અને હાલ ભોગ બનેલ સગીરાને શોધી કાઢવા અને અપરણ કરનાર આરોપી કરણ દિનેશભાઇ સોમાણી રહે.મોટા દહીંસરા તા.માળીયા મીંયાણા જીલ્લો મોરબી વાળાને પકડી પાડવા માટે તપાસના ચક્રો ગતિમાન કર્યા હોવાનું જાણવા મળેલ છે.
પતિએ માર મારતા સારવારમાં
મોરબીના સામાકાંઠે ગુજરાત હાઉસિંગ બોર્ડ પાછળ આવેલ આનંદનગર વિસ્તારમાં રહેતા દીપાબેન વિશાલસિંહ માનસિંહ (૨૧) ને મારામારીના બનાવમાં ઈજા થતા સારવાર માટે સિવિલે લાવવામાં આવી હતી. બનાવની જાણ થતા બી ડિવિઝન પોલીસ મથકના જગદીશભાઈ ડાંગરએ તપાસ હાથ ધરી હતી અને તેમાં ખુલ્યું હતું કે દીપાબેન વિશાલસિંહ નામની પરણીતાને તેના ઘરે તેના પતિએ નશાની હાલતમાં માર માર્યો હતો.તેથી તેણીને સારવારમાં ખસેડવામાં આવી હતી હાલ આ બનાવ અંગે તેણીનું નિવેદન નોંધીને આગળની તપાસ ચલાવવામાં આવી રહી છે.
વૃદ્ધા સારવારમાં
મોરબીના હળવદ તાલુકામાં આવેલા ટીકર રણ વિસ્તારમાં રહેતા ઉજીબેન ગાંડુભાઇ કોળી નામના ૭૦ વર્ષના વૃદ્ધાને વાહન અકસ્માતમાં ઇજા થતા સારવાર માટે મોરબીની ખાનગી હોસ્પિટલે લાવવામાં આવ્યા હતા અહીં તેઓની સારવાર કરવામાં આવ્યા બાદ પોલીસમાં જાણ કરાતા એ ડિવિઝન પોલીસે તપાસ કરી હતી જેમાં એ ડિવિઝન પોલીસ મથકના વિપુલભાઈએ કરેલ તપાસમાં ખુલ્યું હતું કે ઉજીબેન કોળી બાઈકના પાછળના ભાગે બેસીને ટીકરથી મિંયાણી ગામ બાજુ જતા હતા ત્યારે રસ્તામાં રોડ ઉપર ખાડો આવતા તેઓનું બાઈક પલ્ટી મારી ગયું હતું જેમાં ઇજાઓ પહોંચતા તેમને સારવાર માટે અહીં લાવવામાં આવ્યા હતા.
