ટંકારાના ઘુનડા (સ) ગામે જાહેરમાં જુગાર રમતા 6 શખ્સો 10,300 ની રોકડ સાથે પકડાયા
Morbi Today
મોરબી વાંકાનેર હાઇવે રોડ ઉપર આવેલ સરતાનપર ચોકડી પાસે ટ્રકની પાછળ કાર ઘૂસી જતા બે યુવાનોના મોત
SHARE
JOIN OUR GROUP
મોરબી વાંકાનેર હાઇવે રોડ ઉપર આવેલ સરતાનપર ચોકડી પાસે ટ્રકની પાછળ કાર ઘૂસી જતા બે યુવાનોના મોત
મોરબી વાંકાનેર હાઇવે રોડ પર આવેલ સરતાનપર ચોકડી પાસેથી કારમાં બે મિત્રો જઈ રહ્યા હતા અને તેઓની કાર મેઇન રોડ ઉપર લેતા હતા ત્યારે આગળ જઈ રહેલા ટ્રકની પાછળના ભાગમાં કાર ઘૂસી જવાના કારણે જીવલેણ અકસ્માત સર્જાયો હતો જેમાં કારની અંદર બેઠેલા બંને યુવાનોને ગંભીર ઇજા થઈ હતી જેથી તે બંનેના મોત નિપજ્યાં હતા જેથી તે બંનેના મૃતદેહને પીએમ માટે હોસ્પિટલે ખસેડવામાં આવ્યા હતા અને અકસ્માતના આ બનાવની મોરબી તાલુકા પોલીસ સ્ટેશન ખાતે જાણ કરતા પોલીસે બનાવની નોંધ કરી આગળની કાર્યવાહી હાથ ધરી હતી
વાંકાનેર તાલુકાના સરતાનપર ગામે રહેતા અરવિંદભાઈ જેસીંગભાઇ ઉદેશી (33) અને તેના મિત્ર મહેશભાઈ (24) રહે. ખાખરાળા તાલુકો મુળી વાળા પંચ ગાડીમાં બેસીને સરતાનપર રોડ ઉપરથી મોરબી વાંકાનેર નેશનલ હાઈવે રોડ ઉપર આવેલ સતનપર ચોકડી પાસે પહોચ્યા હતા અને તેઓની ગાડીને નેશનલ હાઇવે ઉપર લેતા હતા ત્યારે આગળ જઈ રહેલા ટ્રકની પાછળના ભાગમાં પંચ ગાડી ઘૂસી ગઈ હતી જેથી અકસ્માતનો બનાવ બન્યો હતો અને અકસ્માતના આ બનાવમાં કારની અંદર બેઠેલા અરવિંદભાઈ તથા તેના મિત્ર મહેશભાઈને શરીરે ગંભીર ઇજાઓ થઈ હતી જેથી તે બંને યુવાનોના મોત નીપજ્યા હતા અને બંને મૃતક યુવાનોના મૃતદેહને પીએમ માટે મોરબીની સરકારી હોસ્પિટલ ખાતે લઈ જવામાં આવ્યા હતા ત્યાર બાદ અકસ્માત મૃત્યુના આ બનાવની હોસ્પિટલ મારફતે મોરબી તાલુકા પોલીસ સ્ટેશન ખાતે જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી હતી અને આ બનાવની પ્રાથમિક તપાસ મોરબી તાલુકા પોલીસ સ્ટેશનના બળદેવભાઈ દેત્રોજા દ્વારા કરવામાં આવી હતી.
