મોરબીના ઘુટુ રોડે ગેરેજમાં ચોરી કરવા આવેલ શખ્સ રંગે હાથે પકડાયો
Morbi Today
માળીયા (મી) નજીક ટ્રકનો ઓવરટેક કરવા જતાં બાઇક સ્લીપ થવાથી ઇજા પામેલા જામનગરના યુવાનનું મોત
SHARE
JOIN OUR GROUP
માળીયા (મી) નજીક ટ્રકનો ઓવરટેક કરવા જતાં બાઇક સ્લીપ થવાથી ઇજા પામેલા જામનગરના યુવાનનું મોત
મોરબી માળીયા હાઇવે ઉપર આવેલ સુરજબારી પુલ પાસે ટ્રકનો ઓવરટેક કરવા જતા સમયે બાઇક ચાલકે પોતાના બાઈકના સ્ટેરીંગ ઉપરથી કાબુ ગુમાવ્યો હતો જેથી અકસ્માતનો બનાવ બન્યો હતો અને બાઇક સ્લીપ થતાં રસ્તા ઉપર પટકાયેલા યુવાનને મોઢા, માથા અને શરીરને ઇજાઓ થયેલ હોવાથી તેનું મોત નીપજ્યું હતું જેથી કરીને હાલમાં મૃતક યુવાનના ભાઈની ફરિયાદ લઈને માળિયા તાલુકા પોલીસે આગળની રાબેતા મુજબની કાર્યવાહી હાથ ધરી છે
બનાવની જાણવા મળતી માહિતી પ્રમાણે જામનગરમાં આવેલ ધરા નગર બ્લોક નં-૧ માં રહેતા કાસમભાઇ ઉર્ફે અલ્તાફભાઈ ઈબ્રાહીમ દલ (૨૨) નામનો યુવાન મોરબી માળિયા હાઇવે ઉપર આવેલ સુરજબારી પુલ પાસે ચેકપોસ્ટ નજીકથી પોતાનું બાઈક નંબર જીજે ૧૦ સીઆર ૭૬૬૯ લઈને પસાર થઈ રહ્યો હતો ત્યારે આગળ જઈ રહેલા ટ્રકની સાઈડ કાપવા જતા તેણે પોતાના બાઈકના સ્ટેરીંગ ઉપરથી કાબુ ગુમાવ્યો હતો જેથી બાઈક સ્લીપ થઈ ગયું હતું અને તે યુવાન રસ્તા ઉપર પટકાતા થઈને માથામાં હેમરેજ અને મોઢા અને શરીરે નાના મોટી ઈજાઓ થઈ હોવાથી તેનું મોત નીપજયું હતું જેથી હાલમાં મૃતક યુવાનના ભાઈ સાબીરભાઈ ઈબ્રાહીમભાઇ (૨૧) એ માળિયા મીયાણા તાલુકા પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધીને રાબેતા મુજબની કાર્યવાહી હાથ ધરી છે
