મોરબીની જુદીજુદી શાળામાં બોર્ડના પરીક્ષાર્થીઓનું કુમકુમ તિલક કરીને કરાયું સ્વાગત
Morbi Today
મોરબીના મનોજભાઇ પનારાની ગુજરાત પ્રદેશ કોંગ્રેસમાં મહામંત્રી પદે વરણી થતા સત્કાર સમારોહ યોજાયો
SHARE
JOIN OUR GROUP
મોરબીના મનોજભાઇ પનારાની ગુજરાત પ્રદેશ કોંગ્રેસમાં મહામંત્રી પદે વરણી થતા સત્કાર સમારોહ યોજાયો
મોરબી જિલ્લા કોંગ્રેસ કાર્યાલય ખાતે, ગુજરાત પ્રદેશ કોંગ્રેસ સમિતિના નવા માળખામાં જગદીશ ઠાકોરની ટીમમાં મોરબીના જાબાંજ અને તેજ તરાર, યુવા આગેવાન મનોજભાઈ પનારાની ગુજરાત પ્રદેશ કોંગ્રેસ સમિતિમાં મહામંત્રી તરીકે નિમણૂક થવા બદલ મોરબી જિલ્લા કોંગ્રેસ સમિતિ દ્વારા તેમને અભિનંદન અને નિમણુંક આવકારવાનો સ્વાગત કાર્યક્રમનું આયોજન કરેલ. એમના અભિનંદન અને સ્વાગત સમારોહ કાર્યક્રમમાં ટંકારા પડધરીના ધારાસભ્ય લલિતભાઈ કગથરા અને જીલ્લા કોંગ્રેસ પ્રમુખ જયંતીભાઈ જે.પટેલ, પુષ્પાબેન ભટ્ટ, રામજીભાઈ રબારી, રાજુભાઈ આહીર, કે.ડી.પડસુંબીયા, ધર્મેન્દ્રભાઇ વિડજા, રાજુભાઈ કાવર , નયનભાઈ અઘારા, મહેશબયભાઇ પરેજીયા, રાજુભાઈ ચૌહાણ, મુકેશભાઈ ગામી, કે.બી.ઝાલા, રઘુભાઈ કંઝારિયા, કર્નલ લાડવા, રાણાભાઈ ડાંગર, દિલીપ સરડવા, અશ્વિન વિડજા, અશોક કૈલા, રજનીશ શિરવી, યોગેશ અમૃતિયા, પી.પી.બાવરવા, શબ્બીર બુખારી, વિજય કોટડીયા, કિશોર ઉભડિયા, જગદીશ મુછડિયા, હરેશ શેરસિયા, છગનભાઈ સરડવા, અશ્વિન પરમાર, રવજીભાઈ સોલંકી, લલીત કાસુન્દ્રા, જાન મહોમ્મદ, સામજી મજીઠીયા સહિત અનેક આગેવાનો ઊપસ્થિત રહ્યા હતા.
આ પ્રસંગે જિલ્લા કોંગ્રેસ, તાલુકા કોંગ્રેસ, શહેર કોંગ્રેસ, મહિલા કોંગ્રેસ અને દરેક સેલ ફ્રન્ટલના પ્રમુખો, આગેવાનો અને કાર્યકર્તાઓએ મનોજભાઈ પનારાને અભિનંદન પાઠવ્યા હતા અને તેમની નિમણૂંકને આવકારી હતી. મનોજભાઈ પનારાએ પોતાની નિમણુંકનો જસ મોરબી જિલ્લા કોંગ્રેસ અને મોરબીના આગેવાનોને આપ્યો હતો.મનોજભાઈએ હુંકાર કર્યો હતો કે મોરબી જિલ્લાની બધી સીટો કોંગ્રેસ જીતશે.કોંગ્રેસને જીતાડવામાં કોઈ કસર નહિં રાખે અને તમામ કાર્યકરોને સાથ સહકાર આપવા વિનંતિ કરી હતી.બીજેપીની તાનાશાહી સામે જનૂન, જોમ અને જુસ્સાથી લોકોના પ્રશ્નોને વાચા આપી ઉકેલવાની વાત કરી હતી.કોંગ્રેસએ ગરીબો, મજૂરો, કિસાનો, મધ્યમ વર્ગના લોકોનો પક્ષ છે તેવું મનોજ પનારાએ જણાવ્યું હતું.મનોજભાઈની નિમણુકથી મોરબી જિલ્લા કોંગ્રેસમાં ઉત્સાહનું વાતાવરણ જોવા મળ્યું છે.તેમ જીલ્લા પ્રમુખ જયંતીભાઈ પટેલે યાદીમાં જણાવેલ છે
