જમીન ૨૦ લાખમાં જમીન લઈને માત્ર ૬ લાખ આપી ધાકધમકી આપતા નાની વાવડી ગામે આધેડે કર્યો આપઘાતનો પ્રયાસ

મોરબીના નાની વાવડી ગામે રહેતા આધેડે પોતાની જમીન ૨૦ લાખમાં વેચી હતી જોકે જમીન લેનારે માત્ર છ લાખ રૂપિયા આપ્યા બાદ ૧૪ લાખ રૂપિયા આપતા ન હતા અને અવારનવાર ધાક ધમકી આપતા હતા જેથી કરીને આધેડે આપઘાત કરવાના ઈરાદે ઝેરી દવા ગટગટાવી લીધી હતી માટે આધેડને સિવિલ હોસ્પિટલમાં સારવાર માટે ખસેડવામાં આવ્યા હતા અને આ બનાવની મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી રાબેતા મુજબની કાર્યવાહી હાથ ધરેલ છે

બનાવની જાણવા મળતી વિગત પ્રમાણે મૂળ જોડીયા તાલુકાના હડીયાણા ગામના રહેવાસી અને હાલમાં મોરબી તાલુકાના નાની વાવડી ગામે શિવગંગા સોસાયટીની અંદર રહેતા હસમુખભાઇ લક્ષ્મણભાઈ કાનાણી જાતે પટેલ (૫૦) એ પોતાના ગામડે આવેલ જમીન હેમંત સંગ્રામભાઈ રાઠોડ જાતે ભરવાડને રૂપિયા ૨૦ લાખમાં વેચી હતી જે પેટે તે વ્યક્તિએ તેને છ લાખ રૂપિયા આપ્યા હતા અને બાકીના ૧૪ લાખ રૂપિયા આપવાના બાકી હતા જોકે તે રૂપિયા આપવાના બદલે જમીન લેનાર હેમંત રાઠોડ દ્વારા તેને ધાકધમકીઓ આપવામાં આવતી હતી અને જમીન ઉપર જાહેર નોટિસનું બોર્ડ તે મારી ગયેલ છે અને બાકીના પૈસા આપતો ન હોવાથી જમીન જતી રહેશે અને પૈસા આવશે નહીં તેવા ડરના લીધે આધેડે નાની વાવડી ગામે પોતાના ઘર પાસે બાવળના કાંટાની જાળીમાં ઝરે દવા પી લીધેલ હતી જેથી હસમુખભાઈ કાનાણીને સારવાર માટે મોરબીની સિવિલ હોસ્પિટલમાં સારવાર માટે ખસેડવામાં આવ્યા હતા અને આ બનાવની મોરબી તાલુકા પોલીસને જાણ કરવામાં આવતા પોલીસે બનાવની નોંધ કરીને રાબેતા મુજબની કાર્યવાહી હાથ ધરી છે