મોરબી પાલિકાના ચીફ ઓફિસરે હાઇકોર્ટના આદેશનું ઉલંઘન કરતાં હાઈકોર્ટે ફટકારી નોટિસ

મોરબીની ધર્મલાભ સોસાયટીનું દબાણ દૂર કરવા માટે હાઇકોર્ટનો હુકમ હોવા છતાં પણ પાલિકાના ચીફ ઓફિસર દ્વારા તેની અમલવારી કરાવવામાં આવી નથી જેથી કરીને સોસાયટીના લોકોએ વકીલ દ્વારા પાલિકાના ચીફ ઓફિસર સામે કન્ટેમ્પ્ટ ઓફ કોર્ટની કાર્યવાહી માટે હાઇકોર્ટમાં અપીલ કરી હતી જેને ધ્યાને લઈને હાઈકોર્ટે હાલમાં પાલિકાના ચીફ ઓફિસરને નોટિસ ફટકારી છે

મોરબીની ધર્મલાભ સોસાયટીના કોમન પ્લોટમાં છેલ્લા ઘણા સમયથી ગેરકાયદે દબાણ કરવામાં આવ્યૂ છે અને ગેરકાયદે બાંધકામ હટાવવા માટે હાઇકોર્ટમાં ઘા નાખવામાં આવ્યો હતો જેથી હાઇકોર્ટ દ્વારા ૩૦/૧/૧૯ ના રોજ ગેરકાયદે બાંધકામ હટાવવા માટે આદેશ કરવામાં આવેલ છે જો કે, પાલિકાએ કોઈ કાર્યવાહી ન કરી હાઇકોર્ટના આદેશનું ઉલંઘન કર્યું છે જેથી કરીને સોસાયટીના લોકોએ વકીલ દ્વારા પાલિકાના ચીફ ઓફિસર સામે કન્ટેમ્પ્ટ ઓફ કોર્ટની કાર્યવાહી માટે હાઇકોર્ટમાં અપીલ કરી હતી જેને ધ્યાને લઈને હાઈકોર્ટે તા ૧૬/૨/૨૨ ના રોજ પાલિકાના ચીફ ઓફિસરને નોટિસ ફટકારી છે