મોરબી મહાનગરપાલિકની સંકલન સમિતિની બેઠક ૨૧ ઓગસ્ટએ યોજાશે

મોરબી મહાપાલિકની સંકલન સમિતિની બેઠક આગામી તા. ૨૧/૦૮/૨૦૨૬ ના રોજ બપોરે ૦૪:૦૦ કલાકે નવી બિલ્ડિંગમાં આવેલ સભાખંડ ખાતે યોજાશે જેમાં પદાધિકારીઓ અને અધિકારીઓની હાજર રહેશે. આ બેઠકમાં મહાપાલિકાની સંકલન સમિતિમાં રજૂ થયેલા વિવિધ પ્રશ્નોની સુનાવણી તથા વિવિધ કામો અંગે સમીક્ષા હાથ ધરવામાં આવશે, તેવું સંકલન સમિતિ સભ્ય સચિવ અને મોરબી મહાનગરપાલિકાના ડેપ્યુટી કમિશ્નર સંજયકુમાર સોનીની યાદીમાં જણાવાયું છે.

વધુમાં મળતી માહિતી મુજબ આ બેઠકમાં ગત મીટીંગને મિનીટસને બહાલી આપવી, તા.31/01/2026 ના રોજ થયેલ સંકલન સમિતિની બેઠકમાં રજુ થયેલ જે તે (ગ્રામ પંચાયત)ના સ્વ ભંડોળના કામો તથા 15 નાણા પંચના કામોનો (ઠરાવ નંબર નો વિગતો સહીત) પ્રગતિ અહેવાલ રજુ કરવો, અરીહંત સોસાયટીના કામ ની દરખાસ્તની વિગત રજુ કરવી, મહાપાલિકામાં સમાવિષ્ટ ગ્રામ પંચાયતોમાં સમયના એટલે કે તા.31/12/2024 પહેલાના ટેક્સમાં વ્યાજ માફી યોજના અન્વયે કરેલ કાર્યવાહીની વિગત રજૂ કરવામાં આવશે.