વાંકાનેરના લાકડધાર ગામે શાળાએ બાળકો વચ્ચે થયેલ બોલાચાલી બાદ ઝઘડામાં મોટાના માથા રંગાયા

વાંકાનેરના લાકડધાર ગામે શાળાએ બાળકો વચ્ચે બોલાચાલી થયેલ હતી તે બાબતનો ખાર રાખીને ચાર શખ્સો દ્વારા એક બાળકના દાદા મંદિરે હતા ત્યારે ત્યાં તેની સાથે બોલાચાલી ઝઘડો કરીને ગાળો આપવામાં આવી હતી અને ત્યારબાદ તેઓ જયારે માતાના મઢે હતા ત્યાં બે શખ્સોએ આવીને તેઓની સાથે બોલાચાલી ઝઘડો કરીને માથામાં લાકડી મારી હતી અને ત્યારે બચાવવા માટે વચ્ચે પડેલા તેના દીકરાને પણ ઢીકાપાટુનો માર મારવામાં આવ્યો હતો જેથી ઇજા પામેલ આધેડ અને તેના દીકરાને સારવાર માટે હોસ્પિટલે લઇ ગયા હતા અને આ બનાવ સંદર્ભે હાલમાં આધેડે નોંધાવેલ ફરિયાદ આધારે પોલીસે ચાર શખ્સોની સામે ગુનો નોંધીને આરોપીઓને પકડવા માટે તજવીજ શરૂ કરેલ છે

વાંકાનેર તાલુકાના લાકડધાર ગામે રહેતા મગનભાઈ ભલાભાઇ અણિયારીયા (50)એ હાલમાં વાંકાનેર તાલુકા પોલીસ સ્ટેશન ખાતે બાબુ સાદુર માલકીયા, મહેશ રાજુ માલકીયા, રણજીત સાદુર માલકીયા અને કેતન વલ્લભ માલકીયા રહે. બધા લાકડધાર વાળાની સામે ફરિયાદ નોંધાવેલ છે જેમાં તેને જણાવ્યુ છે કે, તેઓના પૌત્ર જેનીસ (8) તથા આરોપી બાબુભાઈના ભાઈ કાનાભાઈના દીકરા વચ્ચે શાળાએ બોલાચાલી થયેલ હતી અને તે બાબતનો ખાર રાખીને બાબુ તથા મહેશ ફરિયાદી જયારે રામાપીરના મંદિરે હતા ત્યારે ત્યાં તેની સાથે બોલાચાલી ઝઘડો કરીને ગાળો આપવામાં આવી હતી અને ઝપાઝપી કરી હતી ત્યાર બાદ ફરિયાદી પોતાના માતાજીના મઢે હતા ત્યારે પાછળથી રણજીત અને કેતનએ ત્યાં આવીને ઝઘડો કર્યો હતો અને રણજીતએ ફરિયાદીને માથાના ભાગે લાકડીનો ઘા મારીને માથામાં ઇજા કરી હતી ત્યારે ફરિયાદીનો દીકરો દશરથ વચ્ચે પડતા તેને કેતનએ ઢીકાપાટુનો માર મારીને ઇજા કરી હતી જેથી ઇજા પામેલા પિતા અને પુત્રને સારવાર માટે લઈ ગયા હતા ત્યાં ફરિયાદીને માથામાં ટાંકા આવ્યા હતા અને સારવાર લીધા બાદ તેઓએ વાંકાનેર તાલુકા પોલીસ સ્ટેશન ખાતે 4 શખ્સોની સામે ફરિયાદ નોંધાવતા પોલીસે ગુનો નોંધી આરોપીઓને પકડવા માટે તજવીજ શરૂ કરેલ છે