ટંકારાના ઓટાળા ગામે સરકારી જમીનમાં મંદિર બનાવતી મહિલાને દંપતીએ માર માર્યો

ટંકારાના ઓટાળા ગામે સરકારી જમીનમાં જ્યાં માતાજીની સ્થાપના કરી હતી ત્યાં મહિલા દ્વારા મંદિર બનાવવામાં આવતું હતું જોકે, મંદિર બનાવતા હતા તે જગ્યાની બાજુમાં જેનું મકાન હતું તે લોકોને આ મંદિર બને તે ગમતું ન હતું જેથી મંદિર બનાવનાર મહિલા સાથે બોલાચાલી ઝઘડો કરીને મહિલાને માર માર્યો હતો અને જાનથી મારી નાખવાની ધમકી આપી હતી જેથી મહિલા સારવાર લીધા બાદ ટંકારા તાલુકા પોલીસ સ્ટેશન ખાતે ગુનો નોંધીને આગળની કાર્યવાહી હાથ ધરી છે

મૂળ ટંકારાના ઓટાળા ગામના રહેવાસી અને હાલમાં ટંકારાની ઇન્દ્રપ્રસ્થ સોસાયટી શેરી નં 5 માં રહેતા રસીલાબેન રમેશભાઈ ભાલોડીયા (42)એ ટંકારા તાલુકા પોલીસ સ્ટેશન ખાતે રસિકભાઈ શામજીભાઈ સિણોજીયા તથા તેમના પત્ની મુન્નીબેન રસિકભાઈ સિણોજીયા રહે. બંને ઓટાળા વાળા સામે ફરિયાદ નોંધાવી છે જેમાં તેને જણાવ્યૂ છે કે ફરિયાદીએ ઓટાળા ગામે સરકારી જમીનમાં દસ વર્ષથી માતાજીની સ્થાપના કરેલ છે અને ત્યાં મંદિરનું કામ કરતા હતા જો કે, તે જગ્યાની બાજુમાં જ આરોપીનું મકાન આવેલું હોય ફરિયાદી મંદિર બનાવતા હતા તે વાત તેઓને ગમતી ન હતી જેથી આરોપી રસિકભાઈ દ્વારા પાવડા વડે ફરિયાદીને શરીરના ભાગે માર મારીને ઇજા કરવામાં આવી હતી અને ગાળો આપવામાં આવી હતી જ્યારે તેના પત્ની મુન્નીબેન દ્વારા વાળ ખેંચીને ઝપાઝપી કરીને ફરિયાદીને જાનતી મારી નાખવાની ધમકી આપવામાં આવી હતી જેથી મહિલા દ્વારા ટંકારા તાલુકા પોલીસ સ્ટેશન ખાતે ફરિયાદ નોંધાવવામાં આવતા પોલીસે ગુનો નોંધી આગળની કાર્યવાહી હાથ ધરી છે