વાંકાનેર સિટી અને તાલુકામાં દારૂના ગુનામાં નાસતા ફરતા બે આરોપીને ઝડપી લીધા

મોરબી જિલ્લામાં નાસતા ફરતા આરોપીઓને પકડવા માટે તજવીજ ચાલી રહી છે અને સ્પેશિયલ ડ્રાઇવ દરમિયાન મોરબી જિલ્લા એલસીબીની ટીમે દારૂના જુદા જુદા ગુનામાં નાસતા ફરતા બે આરોપીઓને પકડીને સ્થાનિક પોલીસ હવાલે કરેલ છે.

સરહદીય રેન્જના આઈજી તેમજ મોરબી જિલ્લાના એસપી દ્વારા આપવામાં આવેલ સૂચના મુજબ મોરબી જિલ્લા એલસીબીના પીઆઈ એસ.પી.જાડેજા અને તેઓને ટીમ કામ કરી રહી છે દરમિયાન તા. 1 થી 15 સુધી નાસતા ફરતા આરોપીઓને પકડવા માટે સ્પેશિયલ ડ્રાઇવનું આયોજન કરવામાં આવ્યું છે જેથી જુદા જુદા ગુનામાં નાસતા ફરતા આરોપીઓને પકડવા માટેની કાર્યવાહી એલસીબીની ટીમ દ્વારા કરવામાં આવે છે તેવામાં વાંકાનેર તાલુકામાં નોંધાયેલ દારૂના ગુનામાં નાસતા ફરતા આરોપી સલીમ ઉર્ફે સાલો બાબુભાઈ વિકિયાણી (38) રહે. સરાયા તાલુકો ટંકારા વાળાની વાંકાનેર બાઉન્ડ્રીએ પુલની નીચેથી અટકાયત કરીને તેને વાંકાનેર તાલુકા પોલીસ હવાલે કરવામાં આવેલ છે જ્યારે વાંકાનેર સિટી પોલીસ સ્ટેશન ખાતે નોંધાયેલ દારૂના ગુનામાં નાસતા ફરતા આરોપી વિશાલભાઈ ભીખુભાઈ ઓળકિયા (25) રહે જીંજુડા તાલુકો ચોટીલા વાળાને વાંકાનેર નેશનલ હાઈવે રોડ ઉપર વઘાસીયા ટોલનાકા પાસેથી પકડીને વાંકાનેર સિટી પોલીસ હવાલે કરવામાં આવેલ છે