મોરબીમાં રાજ્યમંત્રી, સાંસદ સહિતનાઓની હાજરીમાં શક્તિ ચોક ગરબી ખાતે 5100 દિવડા પ્રગટાવી રાજમાતા વિજય કુંવરબા સાહેબને અપાઈ શ્રદ્ધાંજલિ

મોરબીના રાજમાતા વિજય કુંવરબા સાહેબ આજે પંચ મહાભૂતમાં વિલીન થયા છે ત્યારે મોરબીમાં શક્તિ ચોક ગરબી મંડળ ખાતે રાજ્યમંત્રી, સાંસદ અને ગરબીની બાળાઓ સહિત નગરજનો દ્વારા 5100 દીવડા પ્રગટાવીને રાજમાતા વિજય કુંવરબા સાહેબને શ્રદ્ધાંજલિ અર્પણ કરી હતી

મોરબી શહેર નહિ પરંતુ જિલ્લામાં નંબર વન કહી શકાય તેવી શક્તિ ચોક ગરબી ખાતે દર વર્ષે આયોજકો દ્વારા કંઈક નવા રાસ લઈ આવવામાં આવે છે જેથી મોરબીની શક્તિ ચોક ગરબી લોકો માટે આકર્ષણનું કેન્દ્ર બની રહેતી હોય છે ચાલુ વર્ષે કેરળના પ્રસિદ્ધ થેયમ નૃત્ય રાસનું આયોજન કરવામાં આવ્યું હતું જેને જોવા માટે થઈને હજારોની સંખ્યામાં લોકો શક્તિ ચોક ગરબી મંડળ ખાતે બે દિવસ પહેલા ઉમટી પડ્યા હતા દરમ્યાન મોરબીના રાજમાતા વિજય કુંવરબા સાહેબનું નિધન થતાં રાજવી પરિવારના સ્મશાન ઘાટ ખાતે આજે તેઓની અંતિમક્રિયા કરવામાં આવી હતી અને તેઓ પંચ મહાભૂતમાં વિલીન થયા છે ત્યારે મોરબીની શક્તિ ચોક ગરબી ખાતે રાજ્યના મંત્રી કાંતિભાઈ અમૃતિયા, મોરબી કચ્છના સાંસદ વિનોદભાઈ ચાવડા, મોરબી જિલ્લા ભાજપના મહામંત્રી અરવિંદભાઈ વાસદડિયા અને તપનભાઈ દવે તેમજ મોરબી શહેર ભાજપ યુવા મોરચાના પ્રમુખ જયદીપભાઇ કાંડિયા, પાલિકાના માજી સભ્ય પ્રભુભાઈ ભૂત, મોરબી જિલ્લા રાજપૂત સમાજના પ્રમુખ મહેન્દ્રસિંહ ઝાલા મહામંત્રી મહાવીર સિંહ જાડેજા તથા સામાજિક અને રાજકીય આગેવાનો તેમજ મોટી સંખ્યામાં નગરજનોની હાજરીમાં 5100 દીવડા પ્રગટાવીને મોરબીના રાજમાતા વિજય કુંવરબા સાહેબને મૌન પાળીને શ્રદ્ધાંજલિ અર્પણ કરવામાં આવી હતી અને પ્રભુ તેમના દિવ્ય આત્માને શાંતિ અર્પે તેના માટે સહુ કોઈએ માતાજીને પ્રાર્થના કરી હતી.